ملک بھرمیں کورونا کی بگڑتی صورتحال ، این سی او سی نے نئی پابندیاں عائد کردیں

تفصیلات کے مطابق  ملک بھرمیں کورونا کی بگڑتی صورتحال پراین سی اوسی نے رپورٹ وزیراعظم عمران خان کو پیش کردی گئی۔وزیراعظم کی چوبیس اضلاع میں خصوصی اقدامات کی منظوری دیدی ۔

مزید پڑھیں : ویکسین سے متعلق بیرون ملک جانیوالے مسافروں کیلئے نئی گائیڈ لائن جاری

این سی او سی کا کہنا ہے کہ  کورونا سے زیادہ متاثرہ پنجاب کے 15 اورکے پی کے 8اضلاع شامل جبکہ  اسلام آباد بھِی کورونا سے زیادہ متاثرہ شہروں میں شامل ہے۔متاثرہ اضلاع میں ہرقسم کی انڈور، آوٹ ڈور تقریبات پر پابندی کی منظوری دی گئی ہے اس کے ساتھ ساتھ متاثرہ  24اضلاع میں تعلیمی ادارے ، انڈورجم  اور  انٹرسٹی ٹرانسپورٹ پر پابندی عائد کردی ہے۔متاثرہ اضلاع میں پابندیاں 4سے12ستمبر تک نافذ کی گئی ہیں۔

 این سی او سی کے مطابق  ‎ ‎متاثرہ اضلاع میں راولپنڈی،گجرات،گوجرانوالہ،شیخوپورہ ،سیالکوٹ شامل ہیں ،‎ ‎لاہور،فیصل آباد،سرگودھا،خوشاب،میانوالی،بھکر، ‎ ملتان،بہاولپور،خانیوال اور رحیم یار خان بھی متاثرہ اضلاع میں شامل ہیں۔خیبرپختونخوا کے اضلاع میں پشاور،صوابی،مالاکنڈ،سوات، ہری پور، مانسہرہ، ایبٹ آباد اور ‏ڈی آئی خان شامل ہیں۔