کراچی میں بارش  سے شہر کےنشیبی علاقے زیرآب، اربن فلڈنگ کا خدشہ

تفصیلات کے مطابق  کراچی میں  چند منٹوں کی بارش نے شہر کا حلیہ بگاڑ دیا۔گلستان جوہر،آئی آئی چندریگر روڈ،شارع فیصل،کارساز، ڈیفنس ، ملیر سمیت کئی علاقوں میں  بادل خوب برسے،سڑکوں پرپانی جمع  ہونےسے ٹریفک کی روانی متاثر،گاڑیاں اور موٹرسائیکلیں  بند ہوگئیں۔شہر کےنشیبی علاقے زیرآب، نالہ اوورفلو ہونےسے ناگن چورنگی پھر پانی پانی،اطراف کی سڑکیں تالاب بن گئیں۔

کراچی میں بارش آتے ہی بجلی چلی گئی۔حسب روایت کے الیکٹرک کاسسٹم ٹھپ ہوگیا،تین سو  سے زائد فیڈر ٹرپ  ہونے سے  متعدد علاقے بجلی سے محروم ہوگئے۔کئی علاقوں میں  کے الیکٹرک نے خود بجلی بند کردی۔ لائٹ ہاؤس   کے علاقے میں کرنٹ گنے سے ایک شخص جاں بحق ہوگیا۔

محکمہ موسمیات نے خبردارکردیا ہے کہ  اگر بارش تواتر سے جاری رہی تو اربن فلڈنگ کا خدشہ ہے۔ سب سے زیادہ بارش سعدی ٹاؤن میں 41.2 ملی میٹر ریکارڈ ہوئی ،جبکہ یونیورسٹی روڈ پر 33،نارتھ کراچی 28.2 ، اور جناح ٹرمینل 17.8 ملی میٹر ریکارڈ ہوئی ہے۔

کراچی میں بارش سے فلائٹ آپریشن متاثر ہوگیا، مختلف ایرلاینز کی پروازیں تاخیر کا شکار  ہوگئیں  ہیں، ایربلو کی 12بجے کی کراچی سے اسلام آباد کی پرواز PA204 تاحال روانہ ہوسکی۔ ایربلو کی کراچی سے لاہور کی دوپہر ایک بجے کی پرواز PA 404 بھی تاخیر کا شکار  ہیں ۔

پی اے 404 شام 5بجے شیڈول ہے، پی آئی اے کی کراچی سے اسلام آباد کی دوپہر ایک بجے کی پرواز PK368 بھی روانہ نہ ہوسکی، ایرسیال کی لاہور اسلام آباد کی پروازیں بھی روانہ نہ ہوسکیں۔

ائیرپورٹ ذرائع کے مطاق  فلائی دبئی کی دبئی جانے والی پرواز بھی تاحال ایرپورٹ پر رکی ہوئی ہے،فلائی بغداد، اومان ایر کی پروازیں بھی بارش کے باعث تاخیر کا شکار ہیں۔