الیکٹرانک ووٹنگ مشین کے مخالف نہیں چاہتے کہ الیکشن شفاف ہوں: شبلی فراز

تفصیلات کے مطابق شبلی فراز کا کہنا ہے کہ اپوزیشن کو چاہیے کہ  نوجوان نسل کیلئے فیصلہ کرے،اپوزیشن جماعتوں سے درخواست کرتا ہوں کہ اپنے مفادات نہ دیکھیں۔

وفاقی وزیر برائے سائنس اینڈ ٹیکنالوجی کا کہناتھا کہ 2023کے انتخابات ٹیکنالوجی کے ذریعے کرائیں گے، سپریم کورٹ نے بھی قرار دیا کہ الیکشن میں شفافیت کیلئے ٹیکنالوجی کو راستہ دینا چاہیے،جمہوریت کی مضبوطی کیلئے انتخابات کا شفاف انعقاد ضروری ہے۔

ان کا کہناتھاای وی ایم کی مخالفت کرنے والے نہیں چاہتے کہ الیکشن شفاف ہوں،ٹیکنالوجی کی مخالفت وہی کرتے ہیں جو چاہتے ہیں کہ شفافیت نہ ہو، ماضی کے تمام انتخابات پر اعتراضات کیے جاتے رہے ، ماضی کے تمام الیکشنز پر اعتراضات کیے جاتے رہے۔

 ان کا مزید کہنا تھا کہ الیکٹرانک ووٹنگ مشین کی مخالفت وہ عناصر کررہے ہیں جو دھاندلی کے ذریعے جیتتے رہے، الیکٹرانک ووٹنگ مشین ایک ٹیکنالوجی ہی نہیں شفافیت پر مبنی سوچ ہے، وقت آگیا ہے کہ الیکشن میں ٹیکنالوجی کا استعمال کیا جائے۔