ایم کیوایم لندن کے سابق رہنما محمد انور انتقال کرگئے

تفصیلات  کے مطابق   متحدہ قومی موومنٹ سے تعلق رکھنے والے محمد  انور کینسر کے مرض میں مبتلا تھے، وہ لندن کے لیڈی رائل فری  ہسپتال میں زیر علاج تھے ۔  محمد انور  ماضی میں بانی ایم کیوایم  الطاف حسین کے قریبی ساتھی شمار ہوتے تھے ۔مرحوم نے سوگواران میں ایک بیوی اورتین بچے چھوڑے ہیں ۔محمد انور کے بانی قائد ایم کیو ایم سے بھی جائیداد کی قانونی لڑائی جاری تھی ، چند سال قبل جائیداد کے تنازعہ پر محمد انور ایم کیو ایم سے علیحدہ ہوگئے تھے۔

 محمد انور کی فیملی  نے ان کے انتقال کی خبرکی تصدیق کرتے ہوئے    بیان میں بتایا کہ  "محمد انورصبح 3:45 بجے  انتقال کرگئے  ، وہ ایک محبت کرنے والے شوہر، باپ، دادا اور سسر تھے،   وہ ایک پیار کرنیوالے  شخص تھے اور  ہمارے پورے خاندان کے لیے  ستون کی حیثیت رکھتے تھے ۔

خیال رہے کہ  محمد انور پر پاکستان میں دشت گردی ، بھتے اور زمینوں پر قبضے کے مقدمات درج ہیں ۔