جسٹس عائشہ ملک سپریم کورٹ کی جج نہ بن سکیں

تفصیلات کے مطابق جوڈیشل کمیشن کا اجلاس چیف جسٹس گلزار احمد کی سربراہی میں ہوا ہے،اجلاس میں لاھور ہائی کورٹ کی جج جسٹس عائشہ ملک کی سپریم کورٹ میں تقرری پر غور کیا گیا۔

جوڈیشل کمیشن کے اجلاس میں4ججزجسٹس عائشہ ملک کے حق میں اور4 ان کی تعیناتی کیخلاف تھے۔

اجلاس میں کمیشن کے ممبران اور وفاقی وزیر قانون سمیت اٹارنی جنرل بھی موجود تھے۔

جسٹس عائشہ ملک کو جسٹس مشیر عالم کی ریٹائرمنٹ کے بعد خالی ہونے والی نشست پر تعینات کیا جانا تھا۔ سپریم کورٹ آف پاکستان کے جج جسٹس مشیر عالم 17 اگست 2021 کو اپنی مدت ملازمت پوری کرنے کے بعد منصب سے ریٹائر ہوگئے ہیں۔

نام کی منظوری کی صورت میں جسٹس عائشہ ملک سپریم کورٹ آف پاکستان میں مقرر ہونے والی پہلی خاتون جج  ہوسکتی تھیں۔