لیفٹ آرم اسپنر محمد نواز کا کورونا وائرس ٹیسٹ مثبت آگیا

تفصیلات کے مطابق   لیفٹ آرم اسپنر محمد نواز کا کورونا وائرس ٹیسٹ مثبت آگیا  ہے۔پاکستان کرکٹ بورڈ(پی سی بی ) کا کہنا ہے کہ   محمد نواز کو قرنطینہ میں بھیج دیا گیا ہے ۔

محمد نواز کا  کورونا ٹیسٹ گزشتہ روز اسلام آباد پہنچنے پر کی جانے والی آرائیول کوویڈ 19 ٹیسٹنگ کے دوران مثبت آیا  تاہم   قومی اسکواڈ میں شامل دیگر تمام ارکان کے کورونا ٹیسٹ کے نتائج منفی آئے ہیں۔قومی کرکٹ ٹیم کل سے پنڈی کرکٹ اسٹیڈیم میں پریکٹس کا آغاز کرے گی ۔

خیال رہے کہ   نیوزی لینڈ کرکٹ ٹیم تین ون ڈے اور پانچ ٹی 20 میچز پر مشتمل سیریز کھیلنے کے لیے 11 ستمبر کو اسلام آباد پہنچے گی ،  دونوں ممالک کے مابین کرکٹ سیریز 17 ستمبر سے 3 اکتوبر تک جاری رہے گی۔