وزیرخارجہ شاہ محمو د قریشی کی قطر کے ہم  منصب کے ساتھ نیوز کانفرنس

تفصیلات کے مطابق شاہ محمود قریشی کاکہنا ہے کہ ہماری فوری توجہ افغانستان کو انسانی بحران سے بچانا ہے،پاکستان امن کی کوششوں میں شراکت دار ہے۔

ان کا کہنا تھا کہ ہم افغانستان کی صورتحال پر گہری نظر رکھے ہوئے ہیں،افغانستان میں عبوری حکومت تشکیل دے دی گئی ،افغانستان میں موجودہ تبدیلی کے دوران خانہ جنگی کا نہ ہونا  خوش آئند ہے۔

انہوں نے کہا ہے کہ پاکستان اور قطر سمجھتے ہیں کہ افغان مسئلے کا کوئی فوجی حل نہیں، افغان امن عمل میں قطر کا کردار قابل تحسین ہے۔

قطری وزیرخارجہ کا کہنا تھا کہ افغانستان میں امن خطےکےامن کیلئےضروری ہے،افغان امن عمل میں بھی پاکستان کااہم کرداررہاہے،پاکستان ہمارااسٹریٹجک پارٹنرہے۔

قطری وزیرخارجہ  کا کہنا تھا کہ دونوں ملکوں کی قیادت تعلقات کو مضبوط شراکت داری میں بدلنا چاہتی ہے، پاکستان اور قطر کے درمیان  بہترین برادرانہ تعلقات ہیں۔