ملک میں  2 کروڑ افراد کی ویکسینیشن مکمل ، جلد ہدف سے تجاوز کرجائینگے

تفصیلات کے مطابق  نیشنل کمانڈ اینڈ آپریشن سینٹر کے سربراہ اور وفاقی وزیر منصوبہ بندی اسد عمر نے  سماجی رابطے کی ویب سائٹ ٹوئٹر پر جاری پیغام میں کہا  ہے کہ  ویکسی نیشن مہم کے آغاز میں ہم نے سال کےآخرتک7 کروڑافراد کو ویکسین لگانےکا ہدف رکھا تھا ،جس میں سے 5 کروڑسےزائد  افراد کو ویکسین کی پہلی خوراک لگ چکی ہے اور 2کروڑسےزیادہ افراد کو مکمل ویکسین لگائی جاچکی ہے۔ انہوں نے امید ظاہر کرتے ہوئے کہا کہ  ہم جلد اپنے طےکردہ ہدف سے تجاوز کر جائیں گے۔

In the early days of the vaccination campaign we had set a daunting target of vaccinating 7 crore people by the end of this year. Happy to report that 5 crore people have now recieved atleast 1 dose. More than 2 crore fully vaccinated. Inshallah will meet & surpass the target.

— Asad Umar (@Asad_Umar) September 10, 2021

واضح رہےکہ ملک میں کورونا وائرس کی  چوتھی  لہر کے دوران  مزید 83 افراد انتقال کر گئے جبکہ 3689کیسز رپورٹ ہوئے ہیں۔نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد 26 ہزار 580 ہوگئی ہے،جبکہ  متاثرہ افراد کی مجموعی تعداد 11لاکھ97ہزار887ہوگئی ہے ۔