ڈسکہ الیکشن میں اپنی شکست نظر آنے پر انہوں نے غنڈہ گردی کی:مریم اورنگزیب

الیکشن کمیشن کے باہر میڈیا سے گفتگو کرتے ہوئے مسلم لیگ ن کی ترجمان مریم اورنگزیب کا کہنا تھا کہ مسلم لیگ ن پولنگ کا وقت بڑھانے کی درخواست لے کر الیکشن کمیشن آئی تھی،این اے 75 میں ریاستی دہشتگردی ہوئی اور غنڈہ گردی کی گئی،عثمان ڈار کہہ رہے ہیں ن لیگ نے فائرنگ کرائی ہے،جو لوگ شیر کو ووٹ دینے آتے ہیں وہ فائرنگ اور غنڈہ گردی نہیں کرتے،این اے 75 میں اس لیے غنڈہ گردی کی گئی ان کو اپنی شکست نظر آ رہی تھی،جب ان کا کوئی حربہ کامیاب نہ ہوا تو ان کے اپنے امیدوار کے سکیورٹی گارڈ نے فائرنگ کی، اس کے بعد یہ وہاں سے بھاگ گئے،جس سے ن لیگ کے اور ان کے لوگ مارے گئے،کس طرح کی غنڈہ گردی اور کس طرح کی بد معاشی انہوں نے کی،ن لیگ کے شیروں نے ہر چیز کا مقابلہ کیا۔

ان کا مزید کہنا تھا کہ پوری کی پوری انتظامیہ خاموش ہے، آئی جی صاحب ، سی سی پی او کدھر ہے،وزیراعلیٰ کہتا ہے کے ایف آئی آر کٹے گی جس نے فائرنگ کی، آپ پنجاب کے وزیراعلیٰ ہے آپ صرف بیان دیں گے، آپ پنجاب کے وزیراعلیٰ ہیں، یہ ایف آئی آر کٹنی چاہیے، وزیراعلیٰ پنجاب، پر ، آئی جی پنجاب پر ، سی سی پی او پر،صوبائی حکومت ایک الیکشن نہیں کروا سکتی،جب پولیس پولنگ سٹیشن میں پولنگ کا عمل روکنے کا کام کریں تو فائرنگ کون کرے گا،یہ لوگوں کی جانوں سے کھیل رہیں ہیں،کیوں وہاں ایسی نفری نہیں لگائی گئی جس سے دو جانیں چلی گئی۔