افغانستان میں نئی حکومت کے بعد پی آئی اے کی پہلی پرواز کابل پہنچ گئی

فلائیٹ نمبر 6249 اسلام آباد سے کابل کے لیے روانہ ہوئی اور نو بج کر پینتالیس منٹ پر کابل ائیر پورٹ پر پہنچی ، کابل ائیرپورٹ پر افغان سول ایوی ایشن اور مقامی پی آئی اے کے عملے نے خصوصی انتظامات کیے ہیں ۔ 

تربیت یافتہ ائرپورٹ عملے نے ڈیوٹی جوائن کرکے پرواز کو ہینڈل کیا ۔ کابل ائیرپورٹ پر پی آئی اے کا نام اور پرواز نمبر آویزاں ہے ، پی آئی اے کا عملہ بین الااقوامی صحافیوں کو کابل لے کر گیا ہے ۔ 

عالمی بینک اور بین القوامی خبر رساں اداروں کی ٹیم کو واپس لے کر آیا تھا۔ کابل میں نئی حکومت کے قیام کے بعد یہ پہلی بین القوامی مسافر پرواز تھی۔

قومی ایئرلائن پی آئی اے کے سربراہ ارشد ملک کا کہنا ہے کہ اس پرواز کا مقصد پاکستان اور افغانستان میں خیر سگالی کو فروغ دینا ہے۔ پی آئی اے اور پوری دنیا کیلئے یہ آپریشن بہت اہم ہے۔  سب ہماری طرف دیکھ رہے ہیں۔ امید ہے جلد ہم مکمل طور پر آپریشن بحال کرنے میں کامیاب ہو جائیں گے۔