کورونا کا پھیلاؤ،ڈاکٹر فیصل کاماسک پہننے،ایس او پیز پر عمل در آمد پر زور

تفصیلات کے مطابق اسلام آباد میں ایک تقریب سے خطاب کرتے ہوئے ڈاکڑ فیصل سلطان  نے کہا کہ لوگوں کو کورونا وبا کی روک تھام سے متعلق احتیاطی تدابیر نظر انداز نہیں کرنی چاہئیں کیونکہ مہلک وبا کا ابھی تک خاتمہ نہیں ہو سکا۔

ڈاکٹر فیصل سلطان نے کہا کہ2 کروڑ لوگوں کی ویکسی نیشن مکمل ہوچکی ہے، ویکسی نیشن بیماری کے مضر اثرات کو تو روکتی ہے لیکن ماسک کا استعمال ضرور کریں۔معاون خصوصی برائےصحت نے کہا کہ اگر ہم احتیاط کریں گےتو ہی کورونا کی چوتھی لہر پر قابو پا سکیں گے۔ معاون خصوصی نے کہا کہ صحت کے مراکز کے استحکام سے آئندہ نسلوں کو فائدہ ہو گا۔

واضح رہے کہ ملک میں کورونا وائرس کی  چوتھی  لہر کے دوران  مزید 67 افراد انتقال کر گئے جبکہ 2988کیسز رپورٹ ہوئے ہیں۔؎نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد26ہزار787ہوگئی ہے،جبکہ  متاثرہ افراد کی مجموعی تعداد 12لاکھ07ہزار508ہوگئی ہے ۔