بھارتی اداکارہ کو گن پوائنٹ پر لوٹ لیا

ممبئی : بالی وڈ اداکارہ نکیتا راول کو ڈاکوؤں نے گن پوائنٹ پر یرغمال بنا کر لوٹ لیا ۔میڈیا رپورٹس کے مطابق نکیتا راول بھارتی دارالحکومت دہلی میں ایک پراجیکٹ کی شوٹنگ کیلئے شاستری نگر کے علاقے میں موجود تھیں۔

بالی ووڈ کی معروف اداکارہ کو گھر میں یرغمال بناکر لوٹ لیا گیا

 رات 10 بجے اداکارہ  گھر کے باہر چہل قدمی کررہی تھیں کہ ایک تیز رفتار گاڑی ان کے قریب آکر رکی جس میں سے 4 افراد نے نکل کر انہیں یرغمال بنایا۔ لٹیروں نے اداکارہ سے گن پوائنٹ پر گھڑی، انگوٹھی اور بالیوں سمیت نقدی لوٹ لی جس کی مالیت 7 لاکھ بھارتی روپے ہے۔

بالی ووڈ اداکار چنکی پانڈے کے گھر صف ماتم بچھ گئی

بھارتی میڈیا سے گفتگو میں اداکارہ کا کہنا تھاکہ واردات کے 10 منٹ کو الفاظ میں نہیں بتا سکتی کیونکہ مجھے ڈر تھا کہ کہیں ڈاکو لوٹنے کے بعد میرا ریپ نہ کردیں۔ان کا مزید کہنا تھاکہ واردات کے بعد  اتنی خوفزدہ تھی کہ گھر آکر خود کو الماری میں بند کردیا تھا۔ 

خیال رہے کہ نکیتا روال نے کئی بالی وڈ فلموں میں کام کیا ہے جس میں فلم ’بلیک اینڈ وائٹ‘ شامل ہے۔