پاکستان کے سینئر اداکار طلعت اقبال کی طبعیت اچانک خراب،وینٹی لیٹر پر منتقل

تفصیلات کے  مطابق پاکستان کے سینئر اداکار طلعت اقبال کی طبعیت اچانک خراب ہوگئی ہے، ستر اور اسی کی دہائی  میں فلموں اور ڈراموں میں جلوہ گر ہونے والے سینئر فنکار طلعت اقبال طویل عرصے سے ٹیکساس میں مقیم ہیں۔ وہ بے ہوشی کی حالت میں وینٹی لیٹرپرہیں ڈاکٹرز کے مطابق طلعت اقبال کے لیے آئندہ چوبیس سے چھتیس  گھنٹے انتہائی اہم ہیں۔

 چند ہفتے پہلے ان کی بیٹی کا انتقال ہوا تھا جس کے بعد ان کی طبیعت  روز بروز خراب ہو رہی تھی۔

طلعت اقبال کی بیٹی صومی حسین نے مقامی میڈیا کو  بتایا کہ ان کے والد کو کورونا نہیں ہوا بلکہ وہ کچھ دوائیاں لے رہے تھے تو اس دوران ایک گولی ان کی سانس کی نالی میں  اٹک گئی جس سے انکی حالت بگڑ گئی۔ 

خیال   رہے کہ طلعت اقبال نے 70 اور 80 کی دہائی میں پاکستان ٹیلی ویژن (پی ٹی وی) کے کئی ڈراموں میں اہم کردار ادا کیے تھے،انہوں نے کئی پاکستانی فلموں میں بھی کام کیا۔