سعودی ولی عہد، امیر قطر اور اماراتی مشیر کی دوستانہ ملاقات، سوشل میڈیا پر تصویر وائرل

ریاض : سعودی ولی عہد شہزادہ محمد بن سلمان ، امیر قطر شیخ تمیم بن حمد اور امارات میں قومی سلامتی کے مشیر شیخ طحنون بن زاید کی بحیرہ احمر میں دوستانہ ماحول میں ملاقات کی تصویر اور ویڈیو وائرل ہے ۔ 

یہ بھی پڑھیں : سعودی عرب نے پاکستان میں لگائی جانےوالی دو ویکسین کی منظوری دیدی

ولی عہد کے نجی دفتر کے ڈائریکٹر بدر العساکر نے ٹویٹر کے اکاؤنٹ پر تینوں رہنماؤں کا گروپ فوٹو جاری کیا ہے ۔ اس میں تینوں تفریحی موڈ میں نظر آرہے ہیں ۔ 

بدر العساکر نے تصویر شیئر کرتے ہوئے لکھا کہ بحیرہ احمر میں بردارانہ اور دوستانہ ملاقات ، سعودی ولی عہد شہزادہ محمد بن سلمان ، امیر قطر اور امارات کے قومی سلامتی مشیر ایک ساتھ ۔ 

یہ بھی پڑھیں : سعودی عرب کے بعد کویت نے بھی پاکستانیوں کو بڑی خوشخبری سنادی

ٹوئٹر صارفین نے تصویر پر پسندیدگی کا اظہار کرتے ہوئے تحریر کیا کہ ’یہ تصویر العلا معاہدے کے بعد تینوں ملکوں کے درمیان استوار ہونے والے مضبوط تعلق کا پتہ دے رہی ہے‘۔

واضح رہے کہ سعودی عرب اور قطر میں تعلقات انتہائی خراب ہونے کے بعد نارمل صورتحال کی طرف گامزن ہیں ۔ قطر اس وقت عالمی سیاست میں اہم کردار ادا کررہا ہے ۔