بابا گورو نانک کی 482 ویں برسی کی تقریبات کا آج سے آغاز ہوگیا

لاہور : کرتارپور میں سکھوں کے روحانی پیشوا بابا گرو نانک کی 482 ویں برسی کی تین روزہ تقریبات کا آغاز ہوگیا ہے ۔ 

تین روزہ تقریبات 20 ستمبر سے لیکر 23 ستمبر تک جاری رہیں گی ۔ جس میں شرکت کے لیے دنیا بھر سے سکھ یاتری پاکستان آئے ہیں ۔ 

تقریبات کے موقع پر گورو دوارہ کرتار پور صاحب کو برقی قمقوں سے سجا دیا گیا ہے ۔  جبکہ یاتریوں کے قیام کے لیے خوبصورت پلنگ اور آرام دہ بستر لگا دیے گئے ہیں ۔ 

باباگورو نانک کے زیر کاشت اراضی سے حاصل ہوے والی گیہوں اور دیگر اجناس سے لنگر تیار کیا جارہاہے ۔ قیام کے دوران یاتریوں کی تواضع کے لیے کڑی پکوڑے ، مکس سبزیاں ، اچار ، سلاد ، چائے مشروبات پیش کیے جائیں گے ۔ 

اس موقع پر کورونا وبا کے حوالے سے جاری ایس او پیز پر بھی سختی سے عملدر آمد کیا جارہا ہے ۔