دنیا بھر میں آج امن کا عالمی دن منایاجارہاہے

پاکستان سمیت دنیا بھر میں امن کاعالمی دن آج منایاجارہاہے جس کامقصد ان عالمگیر چیلنجوں سے نمٹناہے جو انسانیت کے لئے سنگین خطرہ ہیں۔اس سال کاموضوع ہے "ایک مساویانہ اورمستحکم دنیا کے لئے سازگارماحول کی فراہمی"۔

دنیا میں امن کو یقینی بنانے کے لئے پاکستان نے ہمیشہ اقوام متحدہ کی حمایت کی ہے اور اقوام متحدہ کی امن کارروائیوں کے لئے سب سے زیادہ تعدادمیں فوجی دستے مہیاکئے ہیں۔دنیانے قیام امن کے لئے دہشت گردی کے خلاف جنگ میں پاکستان کی کوششوں اور ان کی طرف سے حاصل کئے جانے والے غیرمعمولی نتائج کوبھی تسلیم کیاہے

۔دوسری طرف بھارت مسلمانوں کے خلاف خاص طورسے غیرقانونی زیرقبضہ جموں وکشمیرمیں انسانی حقوق کی سنگین خلاف ورزیوں کامرتکب ہورہاہے اوراس نے دنیاکے اس انتہائی زیادہ آبادی والے خطے میں امن کوخطرات سے دوچارکردیاہے۔

امن کے عالمی دن کے موقع پراپنے پیغام میں سینئر حریت رہنما یاسین ملک کی اہلیہ مشعال ملک نے کہا ہے کہ کشمیر کے باسی دنیا سے امن کی بھیگ مانگ  رہے ہیں ، اقوام متحدہ کشمیریوں کو حق خود ارادیت دلوانے میں ناکام رہا ہے۔ نو لاکھ فوج تعینات کر کے بھارت نے کشمیر سمیت ایشیاء کو داؤ پر لگاؤ رکھا ہے۔ اقوام متحدہ دنیا میں امن کی بات کرتا ہے مگر اقوام متحدہ مسئلہ کشمیر کا حل تو دور کشمیریوں کی نسل کشی بند نہ کروا سکا۔انہوں نے کہاکہ اقوام متحدہ کشمیریوں کو حق خود ارادیت دلوانے میں ناکام رہا ہے۔