حیدر آباد: ٹرانسفارمر پھٹنے کا معاملہ، نیپرا نے حیسکو پر جرمانہ عائد کر دیا

تفصیلات کے مطابق حیدر آباد کے علاقے لطیف آباد میں ٹرانسفارمر پھٹنے سے   10 افراد ہلاک اور 12 زخمی ہوے تھے۔ نیپرا نے حیسکو پر 2 کروڑ 60 لاکھ روپے جرمانہ عائد کر دیا،  نیپرا کا کہنا ہے کہ 10 اموات میں 1 حیسکوکا ملازم جبکہ 9 عام لوگ تھے۔

نیپر اکے مطابق اتھارٹی نے ہلاکتوں کی تحقیقات کے لئے 3  ممبران پر مشتمل کمیٹی  تشکیل دی تھی، تحقیقاتی ٹیم نے متاثرین کے بیانات قلمبند کیے اور جائے وقوع سے شواہد بھی اکھٹے کیے، تحقیقاتی ٹیم نے حیسکو حکام سے  بھی پوچھ گچھ کی،  تحقیقاتی ٹیم نے متاثرہ ٹرانسفارمر بنانے والی کمپنی کا بھی دورہ کیا، تحقیقاتی ٹیم نے تفتیش مکمل کرنے کے بعد اتھارٹی کو رپورٹ پیش کی تھی،اتھارٹی نے نیپرا ایکٹ کے تحت حیسکو کو شوکاز نوٹس جاری کیا، سماعت کا موقع بھی دیا۔

نیپرا کا کہنا ہے کہ  حیسکوضابطہ اخلاق اورحفاظتی معیارات کو برقرار رکھنے کے لئے قانونی ذمہ داریاں سرانجام دینے میں ناکام رہا، اتھارٹی  نے  حیسکوکوسوگوارخاندانوں کو حیسکو ملازمین کے برابر 35 لاکھ فی کس معاوضہ ادا کرنے  کی  ہدایت کی ہے،   اتھارٹی  نے زخمی شہریوں کو حیسکو ملازمین کے برابر 7 لاکھ  50 ہزارفی کس معاوضہ ادا کرنے  کی   بھی ہدایت  کی ہے،معاوضے کی تفصیلات اتھارٹی کے ساتھ شیئر کرنے کی بھی ہدایت کی ہے۔