چین  بھارت سرحدی کشیدگی :  فوجی کمانڈروں کے مذاکرات بغیر کسی نتیجے ختم 

غیر ملکی خبر رساں ادارے کے مطابق  بھارت اور چین کے درمیان مشرقی لداخ میں تعطل  کےخاتمے کے لیے اتوار کو چشول کے قریب  لائن آف ایکچول  کنٹرول  پر کور کمانڈر سطح کے 13 ویں دور کے مذاکرات ہوئے۔ تقریباً دو ماہ کے وقفے کے بعد ہونےوالی بات چیت تقریبا ساڑھے آٹھ گھنٹے تک جاری رہی تاہم مذاکرات کا تازہ ترین دوربغیر کسی نتیجے کے ختم ہوگیا۔

بھارتی فوج نے تصدیق کی کہ چین کسی معاہدے پر تیار نہیں ہے  جبکہ چین کاکہناہےکہ بھارت غیر معقول اور غیر حقیقت پسندانہ مطالبات پر اصرار کررہا ہے جس سے مذاکرات میں مشکلات بڑھ رہی ہیں۔

پیپلز لبریشن آرمی کے ترجمان نے کہا کہ چین قومی خودمختاری کے تحفظ کے اپنے عزم پر قائم ہے۔ امیدہےبھارت صورتحال کا غلط اندازہ لگانے سے گریز کرے گا بھارت کو طے شدہ معاہدوں اور اتفاق رائے کی پاسداری کرنی چاہیے ،

ایل اے سی پر تعطل  کےدرمیان چین کی جانب سےبھارتی  زخمی فوجیوں کی تصاویر جاری کردی گئیں۔

2020میں وادی گلوان میں چین اور بھارت کےدرمیان  جھڑپوں کے دوران پکڑے گئے اور بری طرح زخمی بھارتی فوج کے افسران اور جوانوں کی تصاویر جاری کی گئی ہیں،  سوشل میڈیا پر دھڑادھڑشیئر کی جانے والی ان  تصاویر میں کئی بھارتی فوجی شدیدزخمی ہیں۔