وزیراعلیٰ پنجاب کی زیر صدارت اعلیٰ سطح کااجلاس

تفصیلات کے مطابق اجلاس میں کورونا کی صورتحال میں بہتری کے بعد صوبے میں کھیلوں کی سرگرمیاں باقاعدہ شروع کرنے کا فیصلہ کیا گیا ہے۔

وزیراعلیٰ عثمان بزدار کا کھیلوں کے فروغ اور کھلاڑیوں کو مزید سہولتیں فراہم کرنے کے لئے تمام ممکنہ اقدامات کرنے کا حکم جبکہ انہوں نے پنجاب میں گیمزاوردیگر کھیلوں کے مقابلے کرانے کی ہدایت کی ہے۔

باٹا پور کے قریب 600کنال اراضی پر اولمپک ویلج کے قیام کی تجویزوزیراعلیٰ نے اولمپک ویلج کے منصوبے کا ماسٹر پلان تیار کرنے کی ہدایت کردی ہے۔

عثمان بزدار کا کہنا تھا کہ کھیلوں کی 360گراؤنڈز گاؤں کی سطح پربنائی جائیں گی،گاؤں کی سطح پر 105 گراؤنڈز مکمل ہوچکی ہیں ۔

ان کا کہنا تھا کہ فیصل آباد اور سیالکوٹ میں کرکٹ ہائی پرفارمنس سنٹرز بنائے جائیں گےجبکہ لاہور میں ہاکی ہائی پرفارمنس سنٹر بنے گا۔

انہوں نے کہا ہے کہ 17تحصیلوں میں سپورٹس کمپلیکس بنائے جائیں گے،انسٹی ٹیوٹ آف سپورٹس سائنس قائم کر کے ٹیلنٹ کو مزید نکھاریں گے،سپورٹس فسیلیٹیزپر کام مقررہ مدت کے اندر مکمل کیا جائے گا۔

ان کا مزید کہنا تھا کہ سپورٹس انفراسٹرکچرکو خوب سے خوب تر بنائیں گے،پنجاب حکومت صحت مندانہ سرگرمیوں کے فروغ کیلئے جامع پالیسی پر عمل پیرا ہے،نئے پاکستان میں نوجوانوں کیلئے کھیل کے مواقع کی فراہمی اولین ترجیح ہے۔