علما ء نے سینیٹ الیکشن میں ووٹ خریدنا اور بیچنا حرام قرار دے دیا

تفصیلات کے مطابق سینٹ انتخابات کے حوالے سے علماء نے فتویٰ جاری کردیا،  فتوی میں کہا گیا ہے کہ  سینٹ الیکشن میں ووٹ خریدنا اور ووٹ بیچنا حرام ہے، مرکزی علماء کونسل کے چیئرمین مولانا زاہد محمود قاسمی نے فتویٰ جاری کیا۔

 مرکزی علماء کونسل کے مجلس شوریٰ کے اجلاس کے بعد فتویٰ جاری کیا گیا ۔مرکزی علماء کونسل کا کہنا ہے کہ  ووٹ قومی فریضہ ہے اس کی خریدو فروخت حرام ہے۔

مرکزی علماء کونسل کے چیئرمین  مولانا زاہد محمود قاسمی کا مزید کہنا ہے کہ   کورونا وائرس ویکسین جائز اور حلال ہے،  شہریوں سے اپیل ہے کہ کورونا وائرس کی ویکسینیشن لگوانے کے لیے محکمہ صحت سے تعاون کریں۔