افغان صوبے کنٹر میں دھماکہ ، ضلعی پولیس چیف ہلاک

کابل : افغانستان کے صوبے کنڑ میں بم دھماکے سے ضلع شگل کا پولیس چیف ہلاک اور گیارہ افراد زخمی ہوگئے ۔

غیر ملکی خبر ایجنسی کے مطابق طالبان عہدیداروں کا کہنا ہے کہ دھماکہ کنڑ کے دارالحکومت اسد آباد میں ہوا ، دھماکے میں شگل ڈسٹرکٹ پولیس چیف کی گاڑی کو نشانہ بنایاگیا ۔ 

رپورٹ کے مطابق کنڑ ہسپتال کی انتظامیہ نے 11 زخمیوں کے ہسپتال لائے جانے کی تصدیق کرتے ہوئے کہا ہے کہ زخمیوں میں چار طالبان اراکین اور سات شہری ہیں ۔ 

خبرایجنسی کے مطابق کنڑ دھماکے کی ذمہ داری تاحال کسی گروپ نے قبول نہیں کی ہے ۔