ٹی ٹوئنٹی ورلڈکپ : بنگلادیش کا ٹاس جیت کر فیلڈنگ کا فیصلہ

تفصیلات کے مطابق عمان کے شہر العامرات میں کھیلے جارہے ٹی ٹوئنٹی ورلڈ کپ کے پہلے مرحلے کے دوسرے میچ میں بنگلادیشی کرکٹ ٹیم کے کپتان محمود اللہ نے ٹاس جیت کر پہلے فیلڈنگ کا فیصلہ کیا۔

بنگلادیشی کرکٹ ٹیم کے کپتان محمود اللہ کا کہنا ہےکہ یہ ایک اچھی وکٹ ہے اور یہاں زیادہ رنز بن سکتے ہیں لیکن رات میں اوس کے باعث ہم ہدف کا تعاقب کرنا چاہتے ہیں۔

اسکاٹس ٹیم کے کپتان کائل کوٹزر کا کہنا ہےکہ  پہلے بیٹنگ کرنے میں بھی خوش ہیں، اگر آپ اچھا ہدف دے دیں تو دوسری اننگز میں زیادہ دباؤ ڈال سکتے ہیں، اوس موجود ہیں لیکن ہمیں اس سے نمٹنا ہوگا۔

خیال رہے کہ ٹی 20 ورلڈ کپ کےافتتاحی میچ میں عمان نے پاپوانیوگنی کو شکست دےدی ہے۔

پاپوانیوگنی کی ٹیم نے پہلے کھیلتے ہوئےمقررہ 20اووزمیں 9 وکٹوں کےنقصان پر 129 رنزبنائے۔ اسد والہ 56 رنز بنا کر نمایاں کھلاڑی رہے، ان کی انگزمیں چار چوکے اور تین چھکےشامل تھے۔ 

عمان کی طرف سے ذیشان مقصود کامیاب باؤلر رہے انہوں نے چار اوورز میں صرف 20 رنزدےکر چار کھلاڑیوں کو آؤٹ کیا۔

عمان کی ٹیم نے ہدف کوباآسانی 13.4 اوورز میں بغیر کسی وکٹ کے نقصان پر حاصل کر لیا۔ عمان کی طرف سے دونوں اوپنرز نے اچھاکھیل پیش کیا اور نصف سینچریاں سکورکیں۔

عمان کے اوپنر کھلاڑی جتندرسنگھ نے 42 گیندوں کا سامنا کرتے ہوئے 73رنزکی شاندارباری کھیلی۔ ان کی انگزمیں پانچ چوکے اور ایک چھکاشامل تھا۔

یاد رہے کے ٹی ٹوئنٹی ورلڈ کپ کے پہلے مرحلے میں 6 کوالیفائرز اور رینکنگ پر موجود نویں اور دسویں نمبر کی ٹیمیں بنگلا دیش اور سری لنکا شریک ہوں گی۔