آج جس قدر چور وزیراعظم ہے تاریخ میں کوئی نہیں رہا:بلاول بھٹو

تفصیلات کے مطابق کراچی میں جلسے سے خطاب کرتے ہوئے چیئرمین پاکستان پیپلز پارٹی بلاول بھٹو کا کہنا تھا کہ عوام سے وعدہ ہے  کہ حکومت کے   پہلے دن ہی تنخواہوں میں اضافہ کریں گے،حکومت میں آتے ہی نوجوانوں کو روزگار دیں گے،سب کو نظر آرہا ہے کہ جلد پیپلزپارٹی کی حکومت آئے گی۔

ان کا کہنا تھا کہ جب تک عمران خان کو گھر نہیں بھیج دیتے احتجاج جاری رہےگا،جہاں بھی عمران خان نے ہاتھ ڈالا  ہے وہاں تبدیلی نہیں آئی تباہی آئی،عمران خان پنجاب پولیس،بیوروکریسی،ججز کوٹائیگر فورس بناناچاہتا ہے۔

انہوں نے کہا ہے کہ ہم غربت مٹائیں گے غریب کونہیں ،جب پیپلزپارٹی کی حکومت ہوتی ہے خوشحالی ہوتی ہےملک کی تقدیرکافیصلہ ملک کی عوام نے کرناہے،سب کونظرآرہا ہے کہ پی پی پی کی حکومت آرہی ہے۔

بلاول بھٹو کا کہنا تھا کہ پیپلزپارٹی کااس حکومت کے خلاف جہاد جاری رہے گاجب تک کٹھپتلی کونہیں بھگائیں گے چین سے نہیں بیٹھیں گے،روزگار دینے کی بجائے جن کے پاس روزگار تھا وہ چھینا جارہا ہے۔

ان کا کہنا تھا کہ الیکشن کمیشن کو ٹائیگر فورس بنانے کیلئے ریفرنس فائل کیاجاتا ہے،آصف زرداری کوجھوٹے مقدمات میں باربار بلایاجاتا ہے،خورشید شاہ 2 سال سے جیل میں قید ہے،پیپلزپارٹی اپنے مؤقف سے پیچھے نہیں ہٹے گی۔

انہوں نے کہا ہے کہ خان صاحب ہر شعبہ کو اپنا ٹائیگر فورس بنانا چاہ رہا ہے،یہ ہماری فوج اور آئی ایس آئی کو بھی ٹائیگر فورس بنانا چاہ رہا ہے،ہم اس کٹھ پتلی کو ایسا نہیں کرنے دینگے،میں خان صاحب کو وارننگ دے رہا ہوں،آپکی اُلٹی گنتی شروع ہوگئی ہے،پیپلزپارٹی کے جیالے میدان میں نکل آئے ہیں۔

ان کا مزید کہنا تھا کہ ایک کروڑ نوکریاں ,پچاس لاکھ گھر دینے کا وعدہ کیا تھا آج کراچی کے عوام عمران خان سے ہوچھ رہے ہیں کہاں گیا وہ وعدہ۔