ٹی 20 ورلڈکپ : بارش سے متاثرہ میچز کے بارے میں اہم خبر آگئی

ابوظہبی : آئی سی سی ٹی 20 ورلڈ کپ کا آغاز ہوچکا ہے تاہم آئی سی سی نے ان میچز کے دوران بارش کے پیش نظر نئے اور اہم رولز بھی بتادیے ہیں ۔

آئی سی سی نے بارش سے متاثرہ اور تاخیر کا شکار ہونیوالے میچز میں اوورز کی کم سے کم تعداد بڑھانے کا فیصلہ کیا ہے جس کے تحت ورلڈ ٹی ٹونٹی کپ کے گروپ مرحلے کے دوران ڈک ورتھ لوئس میتھڈ (ڈی ایل ایس) قانون کے استعمال کیلئے ایک اننگز میں کم سے کم 5 اوورز ہونا لازمی ہو گا جبکہ سیمی فائنلز اور فائنل کیلئے 10 اوورز کی شرط رکھی گئی ہے۔

اس کے علاوہ میگا ایونٹ میں پہلی مرتبہ ڈیسیشن ریویو سسٹم (ڈی آر ایس) سسٹم استعمال ہوگا جس کے تحت میگا ٹورنامنٹ میں پہلی مرتبہ ڈی آر ایس سسٹم استعمال ہو گا، ہر ٹیم کو ایک اننگز میں دو ریویو ملیں گے۔