ملتان : ہسپتال کے ایمرجنسی وارڈ میں دو گروپوں کے درمیان فائرنگ ، متعدد افراد زخمی

تفصیلات کے مطابق نشتر ہسپتال ایمرجنسی وارڈ میں دو گروپوں کے درمیان فائرنگ کے نتیجے میں   متعدد افراد زخمی ہوگئے ہیں ،  نشتر ہسپتال ایمرجنسی وارڈ  کے تمام گیٹ بند کر وا دیے گئےہیں ۔

   سی پی او ملتان منیر مسعود  بھاری نفری کے ساتھ نشتر ہسپتال پہنچ گئے ہیں ۔نشتر ہسپتال میں ملزمان کی گرفتاری کے لیے پولیس کی طرف سے سرچ آپریشن جاری ہے۔ترجمان پولیس کا کہنا ہے کہ   فائرنگ میں ملوث تمام ملزمان کو جلد گرفتار کر لیا جائے گا ۔

پولیس کا کہنا ہے کہ  نشتر اسپتال  ایمرجنسی میں فائرنگ سے پانچ افراد زخمی ہوئے ہیں  جبکہ   پولیس نے 8 ملزمان کو گرفتار کر لیا ہے۔