صادق اورامین ہونالیڈرکیلئےبہت ضروری ہے:عمران خان

تفصیلات کے مطابق اسلام آباد میں رحمت للعالمین ﷺ کانفرنس سے خطاب کرتے ہوئے وزیراعظم عمران خان کا کہنا تھا کہ اکثرلوگ کہتےہیں خودتومزےکرگئے،ہمیں ریاست مدینہ کےپیچھےلگادیا،مجھےتمام راستوں کاپتہ ہے،میں نےبہت کچھ دیکھاہے،،میرےپاس اللہ کادیاہواسب کچھ ہے،ایک وقت میں پاکستان تیزی سےترقی کررہاتھاپھرنیچےآناشروع ہوا۔

ان کا کہنا تھا کہ علامہ اقبال نےریاست مدینہ طرزپرایک فلاحی اوراسلامی ریاست کاخواب دیکھاتھا،جس راستےپرہم آج چل پڑے،70سال پہلےجاناچاہیےتھا۔

انہوں نے کہا ہے کہ برطانوی جمہوریت میں ووٹ بکنےکاتصوربھی نہیں کیاجاسکتا،یہاں سب کوپتہ ہےکہ سینیٹ انتخابات میں پیسہ چلتاہے،برطانیہ کاپارلیمنٹری سسٹم اخلاقی معیارپرقائم ہے۔

وزیر اعظم کا کہنا تھا کہ برطانیہ میں کسی پرپیسہ چوری کاالزام لگ جائےتووہ میڈیاپربھی نہیں آسکتا،اخلاقیات کامعیارنہیں توجمہوریت نہیں چل سکتی،قانون کی بالادستی قائم کیےبغیرہم ترقی نہیں کرسکتے۔

عمران خان کا کہنا تھا کہ برطانوی عدالتوں میں انصاف ہوتاہےوہاں کسی کےساتھ ناانصافی نہیں ہوتی،پاکستان کانظام اوورسیزپاکستانیوں کوسرمایہ کاری سےروکتاہے،اوورسیزپاکستانی ملک میں سرمایہ کاری کریں توآئی ایم ایف جانےکی ضرورت نہیں پڑےگی،ایک بیرون ملک مقیم پاکستانی کوجانتاہوں اس کےپاس اتناپیسہ ہےجتناپاکستان پرقرض ہے۔

ان کا کہنا تھا کہ نوجوان نسل کونبی اکرم ﷺکی سیرت کاعلم ہوناچاہیے،انصاف اورانسانیت کی وجہ سےقوم مضبوط ہوتی ہے،ریاست مدینہ نےلوگوں کوبنیادی حقوق دیئے،انصاف کامعیاربہت بلندتھا۔

عمران خان کا کہنا تھا کہ حضرت بلال اسلام میں آئےتولیڈربن گئے، انہوں نے دوجنگی مہمات کولیڈکیا،بزدل انسان لیڈرنہیں بن سکتا۔

انہوں نے کہا ہے کہ حضوراکرمﷺنےخواتین ،بیواوَں اورغلاموں کوحقوق دیئے اور ان جیسے حقوق تاقیامت کوئی نہیں دےسکتا،صرف اسلام نےیہ حق دیاکہ کئی غلام حکمران بن گئے،اسلام نےپہلی مرتبہ خواتین کووراثت میں حقوق دیئے۔

ان کا مزید کہنا تھا کہ اللہ  تعالی نے پاکستان کو سب کچھ دیا ہے،کوئی کمی نہیں، صرف راستہ ٹھیک کرنا ہے۔ جب تک زندگی ہے،قانون کی حکمرانی کے لیے لڑتا رہوں گا۔