بنگلادیش کا عمان کو جیت کے لیے 154 رنز کا ہدف

تفصیلات کے مطابق آئی سی سی ٹی 20 ورلڈ کپ کے کوالیفائنگ راؤنڈ میں آج کے روز کھیلے جارہے دوسرے میچ میں بنگلادیش کے کپتان محموداللہ نے عمان کے خلاف ٹاس جیت کر بیٹنگ کا فیصلہ کیا تھا۔

Oman have been set a target of 154 to chase ?

Will they get over the line against Bangladesh?#T20WorldCup | #BANvOMN | https://t.co/soc47Liee5 pic.twitter.com/CNUVlQ0IsL

— ICC (@ICC) October 19, 2021

بنگلادیش کی پوری ٹیم مقررہ 20 اوور میں 153 رنز بنا کر آؤٹ ہوگئی۔بنگلادیش کی جانب سے اوپنر محمد نائم نے شاندار 64 رنز کی اننگز کھیلی جبکہ شکیب الحسن 42 رنز بنا کر نمایاں رہے۔

عمان کی جانب سے بلال خان اور فیاض بٹ نے 3،3 کھلاڑیوں کو آؤٹ کیا۔

خیال رہے کہ آئی سی سی ٹی ٹوئنٹی ورلڈکپ کے پہلے میچ میں عمان اور پاپوانیوگنی کا مقابلہ ہوا تھا جو عمان نے باآسانی سے جیت لیا تھا ۔

بنگلادیش کو رواں  ٹی 20 ورلڈ کپ کے پہلے میچ میں  اسکاٹ لینڈ نے اپ سیٹ کرتے ہوئے 6 رنز سے شکست دی تھی۔

واضح رہے کہ آج کے روز کھیلے گئے پہلے میچ میں اسکاٹ لینڈ نے پاپوانیوگنی کو 17 رنز سے شکست دے دی ہے۔