ٹیکساس میں مسافر طیارہ  گر کر تباہ 

غیر ملکی خبر رساں ادارے کے مطابق منگل کی صبح ہوسٹن ایگزیکٹو ایئرپورٹ پر 19 افراد کو لے جانے والا طیارہ ٹیک آف کرتے ہوئے گر کر تباہ ہوگیا،حادثے کےبعد طیارے میں آگ بھڑک اٹھی تھی ۔ حکام نے طیارہ حادثے کی تحقیقات کا آغاز کردیا ہے۔

والر کاؤنٹی کے جج ٹری ڈہون نے فیس بک کے ذریعے اطلاع دی کہ تمام مسافروں اور عملے کو معمولی چوٹ کے ساتھ بحفاظت نکال  لیا گیا۔

والر کاؤنٹی شیرف کے دفتر کی فیس بک پوسٹ کے مطابق منگل کی صبح ایک ہوائی جہاز ہیوسٹن ایگزیکٹو ایئرپورٹ کے قریب گر کر تباہ ہوا۔پوسٹ    میں کہا گیا کہ "تمام مسافروں اور عملے کو  معمولی چوٹ کے ساتھ بحفاظت نکال لیا گیا۔"

ایم ڈی 80 طیارہ ، جس میں عملے کے تین ارکان سوار تھے ، ہیوسٹن ایگزیکٹو ایئرپورٹ سے ٹیک آف کر رہا تھا کہ یہ حادثہ پیش آیا۔