کوروناوائرس : امریکا کا عالمی سفری پابندیاں ختم کرنے کا اعلان

خبررساں اداروں کے مطابق امریکہ  نے مکمل ویکسین شدہ تمام مسافروں کے لیے کورونا وائرس کے باعث عائد سفری پابندیوں کو ختم کردیا ہے ، جو بائیڈن انتظامیہ کی جانب سے نئی ہدایات جاری کردی گئیں ۔  امریکی شہریوں کے علاوہ غیرملکی شہری بھی اب  امریکا کا سفر کرسکیں گے ۔

غیرملکی اور غیر ویکسینیشن شدہ افراد بعض صورتوں میں امریکا داخل نہیں ہوسکیں گے، ویکسین شدہ افراد کو 3 دن پہلے اور غیرویکسین شدہ کو ایک دن پہلے کووڈ ٹیسٹ لازمی کروانا ہوگا۔ 

نئی ٹریول ایڈوائزری میں کہا گیا ہے کہ فائزر، موڈرنا، جانسن اینڈ جانسن اور ایسٹرازینکا قابل قبول ویکسینز میں شامل ہیں، اس کے علاوہ دیگر ویکسینز لگوانے والوں کو ملکی حدود میں داخل نہیں ہونے دیا جائے گا۔

حکام کی جانب سے بین الاقوامی  مسافروں  پر سے پابندی ہٹانے کے بعد 18 سال سے کم عمر کے بچوں کو  امریکہ کے سفر کے لیے ویکسینیشن کی ضرورت نہیں ہوگی۔  لیکن بائیڈن  انتظامیہ قوانین کے مطابق انہیں فلائٹ سے پہلے کورونا وائرس کے منفی ٹیسٹ کا ثبوت دکھانا ہوگا۔ 

خیال رہے کہ  امریکہ کی جانب سے 33 ممالک کے مسافروں  پر سے سفری پابندی ہٹانے میں کچھ وقت ہی باقی ہے ۔  امریکہ نے 8 نومبر سے ویکسین شدہ افراد پر سے تمام سفری پابندیاں ہٹانے کا فیصلہ کیا ۔ گزشتہ سال سے سفری پابندی کے شکار ملکوں سے غیر امریکی شہریوں کو ملک  میں آنے کی اجازت  ہوگی ۔

امریکہ اپنی کورونا وائرس سفری پابندیوں میں نرمی  کے ساتھ ، برطانیہ ، یورپی یونین اور دیگر ممالک کے مسافر  کو آنے کی اجازت دےگا۔

امریکہ نے سفری پابندیاں ابتدائی طور پر 2020 کے اوائل میں چین سے آنے والے مسافروں پر عائد کی گئی تھیں، بعد  ازاں یہ پابندیاں کورونا وائرس کے پھیلاؤ کے ساتھ دوسرے ممالک تک بھی بڑھا دی گئیں تھیں ۔

اس وقت بیشتر غیر امریکی شہریوں کے داخلے پر پابندی عائد ہے جو گزشتہ 14 دنوں میں برطانیہ اور دیگر یورپی ممالک ، چین ، بھارت، جنوبی افریقہ ، ایران اور برازیل میں رہائش پذیر ہیں ۔