پاکستان نے افغانستان کو 5 وکٹوں سے شکست دیدی

ٹی ٹوئنٹی ورلڈ کپ سپر 12 کے میچ میں  پاکستان نے افغانستان کو5 وکٹوں سے شکست دیدی ہے،  پاکستان نے 148 رنز کا ٹارگٹ  5  وکٹوں پر حاصل کرلیا۔ پاکستان نے ٹی ٹوئنٹی ورلڈ کپ میں مسلسل تیسری کامیابی حاصل کی۔

پاکستان کی طرف سے کپتان بابر اعظم  51 رنز بنا کر ٹاپ سکورر رہے،  پاکستان کی افغانستان کے خلاف پہلی وکٹ  12 رنز پر گر ی،  محمد رضوان 8 رنز بنا کر آؤٹ ہو ئے۔ فخر زمان 30 رنز بنا کر آؤٹ ہو ئے، محمد حفیظ 10 رنز بنا سکے،  پاکستان کی افغانستان کے خلاف چوتھی وکٹ  122 رنز پر گر ی ، کپتان  بابر اعظم 51 رنز بنا کر آؤٹ ہو ئے۔شعیب ملک 19 رنز بنا سکے۔

 افغانستان نے پاکستان کو جیتنے کیلئے 148 رنز کا ٹارگٹ دیا تھا، افغانستان نے 20 اوورز میں 6 وکٹوں پر 147 رنز سکور کیے، افغان کپتان محمد نبی اور گلبدین نائب کی شاندار بیٹنگ، مشکل وقت میں اکہتر رنز کی پارٹنر شپ بنائی۔

افغانستان کی  پاکستان کے خلاف پہلی وکٹ  7 رنز پر گری ،  حضرت اللہ بغیر رن بنائے آؤٹ ہوئے، محمد شہزاد 8 رنز،  اصغر افغان 10 رنز  نجیب اللہ 22 رنز بنا کر آؤٹ ہوئے۔

پاکستان کے عماد وسیم 2 وکٹیں لے کر نمایاں رہے،  شاہین آفریدی، حارث رؤف، شاداب خان اور حسن علی نے 1،1 وکٹ حاصل کی۔

افغانستان نے ٹاس جیت کر پہلے بیٹنگ کا فیصلہ کیا تھا۔

پاکستان اورافغانستان اب تک صرف ایک ٹی20  میچ میں آمنے سامنے آئے ہیں۔2013 میں شارجہ میں کھیلے جانے والے واحد میچ میں  قومی ٹیم فاتح ٹھہری۔ پاکستان نے دلچسپ میچ کے بعد افغانستان کو چھ وکٹوں سے شکست دی تھی۔

ورلڈ کپ 2019 میں دونوں ٹیموں کے درمیان سنسنی خیز میچ ہوا، جس میں پاکستان نے تین وکٹ سے فتح حاصل کی تھی۔