کوئٹہ گلیڈی ایٹرز کے فاسٹ بولر ڈیل اسٹین ناراض ہو گئے

تفصیلات کے مطابق  جنوبی افریقہ سے تعلق رکھنے والے فاسٹ بالر ڈیل اسٹین نے اپنے  ٹوئٹراکاونٹ پر غصےکا اظہار کرتے ہوئے  کسی کمنٹیٹر کا نام تو نہیں لیا لیکن اس کی جانب اشارہ ضرور کردیا کہ وہ نیوزی لینڈ کے سائمن ڈول کی بات کررہے ہیں۔ ڈیل اسٹین کمنٹیٹر سائمن ڈول کیجانب سے بالوں پر ہونے والی تنقید برداشت نہ کرسکے اور ناراض ہو گئےاور اپنی ناراضگی کا  خوب اظہار ٹویٹر پر کیا ۔

ڈیل اسٹین نے اپنی پہلی ٹوئٹ میں سوال کیا کہ کون سا کمنٹیٹر تھا  جس نے میرے ذاتیات کو نشانہ بنایا ہے ؟

ڈیل اسٹین کا کہنا تھاکہ کمنٹیٹر کا کام کرکٹ پر تبصرہ کرنا ہے وہ وہی کریں، اگر وہ اپنا ائیر ٹائم کسی کی ذاتی زندگی ، اسٹائل یا توجیہات پر تبصرہ کریں گے تو ان کی نظر میں ایسے فرد کے لیے بطور انسان کوئی عزت نہیں۔ اگر آپکا کام کمنٹری کرنا ہے تو اس پر توجہ دیں۔کھیل پر تنقید کے بجائے تعصب دکھانا یا حلیے پر بات کرنا ناقابل برداشت ہے۔

If your job is to talk about the game, then do that.
But if you use that airtime to abuse anyone for their weight, sexual choices, ethnic backgrounds, lifestyle etc or even hairstyles, then im afraid I have no time for you as a human.
You and anyone else like that to be fair.

— Dale Steyn (@DaleSteyn62) February 27, 2021

ڈیل  سٹین نے مزید کہا کہ میں اس رویے پر آپ کو بطور انسان جوابدے نہیں ہوں، پشاور کیخلاف میچ کھیلنے میں بہت مزہ آیا۔شائقین کے سامنے کھیلنے کا الگ ہی مزہ ہے،اگرچہ ہم میچ ہار گئے لیکن کم بیک کرنے کا یقین ہے۔

That’s all I have to say.

It was a great time last night, fantastic to play in front of crowds again, cricket is so much better that way.
We lost but hopefull to pull it together in our remaining games.
Thanx for the support
Have a great weekend everyone

— Dale Steyn (@DaleSteyn62) February 27, 2021

یاد رہے  گزشتہ روزہونے والے میچ میں ڈیل اسٹین نے 4 اوورز میں 44 رنز دیے تھے، زلمی کی اننگز کے 19ویں اوور میں وہاب ریاض نے ان کی بولنگ پردو جب کہ ردرفورڈ نے ایک چھکا لگاکر مجموی طور پر 21 رنز سمیٹے جس کی وجہ سے میچ پر کوئٹہ کی پویشن کمزور ہوئی اور ٹیم 3 وکٹ سے میچ ہارگئی۔