میچ کا ٹرننگ پوائنٹ حسن علی کا کیچ ڈراپ کرنا تھا:بابراعظم

تفصیلات کے مطابق قومی کرکٹ ٹیم کے کپتان بابراعظم نے ٹی 20 ورلڈ کپ کے سیمی فائنل میں آسٹریلیا کے ہاتھوں  شکست کے بعد کہا ہے کہ غلطیوں سے سیکھنے کی کوشش کریں گے,انہوں ںے کہا ہے کہ اگر اچھی ٹیم کو چانس دیں گے تو میچ جیتنا مشکل ہو جاتا ہے۔

پاکستان کرکٹ ٹیم کے کپتان بابر اعظم نے ٹی 20 ورلڈ کپ میں ٹیم کی مجموعی کارکردگی کو بہتر قرار دیا تاہم ان کا کہنا تھا کہ میچ کا ٹرننگ پوائنٹ حسن علی کا کیچ ڈراپ کرنا تھا۔

قومی کرکٹ ٹیم کے کپتان نے کہا کہ جس طرح ٹیم نے ایونٹ میں کھیلا اس سے میں بحثیت کپتان مطمئن ہوں۔

ٹی 20 ورلڈ کپ کے دوسرے سیمی فائنل میں آسٹریلیا نے پاکستان کو پانچ وکٹوں سے شکست دے کر فائنل کے لیے کوالیفائی کرلیا ہے۔

فائنل میں آسٹریلیا کا مقابلہ نیوزی لینڈ سے ہو گا جو پہلے سیمی فائنل کے میچ میں انگلینڈ کو شکست دے کر پہنچا ہے۔