سیمی فائنل میچ کے بعد حسن علی کا پہلا بیان سامنے آگیا

سماجی رابطے کی ویب سائٹ ٹوئٹر پر ایک پوسٹ میں حسن علی کا کہنا تھا کہ میں جانتا ہوں کہ میری کارکردگی آپ لوگوں کی توقعات کے مطابق نہیں تھی جس پر آپ سب افسردہ ہیں تاہم میں اس سے بھی زیادہ افسردہ ہوں۔

حسن علی کا کہنا تھا کہ مجھ سےجڑی توقعات تبدیل نہ کریں، میں کرکٹ کے لیے اپنی خدمات جہاں تک مکمن ہوسکے سرانجام دینا چاہتا ہوں، میں واپس سخت محنت کی طرف آگیا ہوں، اس صورتحال نے مجھے اور بھی مضبوط بنادیا ہے، الحمداللہ۔

میرا سینہ تیری حُرمت کا ہے سنگین حصار،
میرے محبوب وطن تُجھ پہ اگر جاں ہو نثار

میں یہ سمجھوں گا ٹھکانے لگا سرمایہِ تن،
اے میرے پیارے وطن ??? pic.twitter.com/4xiTS0hAvx

— Hassan Ali ?? (@RealHa55an) November 13, 2021

حسن علی نے شائقین کی جانب سے ان کے لیے پیغامات، ٹوئٹس، فون کالز اور دعاؤں پر شکریہ بھی ادا کیا ہے۔