عدالت لیگی رہنماﺅں کو بھی بلائے:فوادچوہدری 

تفصیلات کے مطابق وفاقی وزیر اطلاعات فوادچودھری نے شیخ رشید اور شہبازگل کے ہمراہ میڈیا سے گفتگو کرتے ہوئے کہنا تھا کہ ن لیگی عہدیداروں نے سوموٹو نوٹس لینے کے بعد پریس کانفرنس کی، عدلیہ کو نشانہ بنایا،عدالت کو ان لیگی رہنماﺅں کو بھی بلانا چاہئے۔

فوادچودھری کا کہنا تھا کہ ان لوگوں نے ہمیشہ کوشش کی ہے کہ عدالتوں کو متنازعہ کیا جائے،ان کاکہناتھا کہ گلگت بلتستان کی بار ایسوسی ایشن سے ان جج صاحب کی ریپوٹیشن پوچھی جائے، ان جج صاحب کو ن لیگ نے 2015 میں گلگت بلتستان میں لگایا،چیف جسٹس کے سومونوٹس کا خیر مقدم کرتے ہیں۔

وفاقی وزیر نے کہاکہ ن لیگی عہدیداروں نے سوموٹو نوٹس لینے کے بعد پریس کانفرنس کی، عدلیہ کو نشانہ بنایا،عدالت کو ان لیگی رہنماﺅں کو بھی بلانا چاہئیے۔

فوادچودھری نے کہا ہےکہ ن لیگی رہنماﺅں کا سوموٹو کے بعد پریس کانفرنس کرنا نہیں بنتا تھا،عدالتوں پر حملے ن لیگ کی تاریخ رہی ہے ،مضحکہ خیز شگوفہ ہے کہ چیف جسٹس نے چائے پیتے ہوئے فون کردیا۔

ان کا مزید کہنا تھا کہ تمام اتحادیوں کے انتخابی اصلاحات پر تحفظات سنے گئے ،تمام اتحادیوں نے وزیراعظم عمران خان کی قیادت پر اعتماد کا اظہار کیا ہے ،اجلاس میں فیصلہ کیا گیا پارلیمان کا مشترکہ اجلاس بدھ کو 2 بجے طلب کیا جائے گا۔