عامر لیاقت کی وزیر اعظم عمران خان سے ملاقات

تفصیلات کے مطابق رکن قومی اسمبلی عامر لیاقت حسین نے سماجی رابطے کی ویب سائٹ ٹوئٹر پر وزیر اعظم عمران خان کے ہمراہ ہونے والی ملاقات کی تصویر شیئر کرتے ہوئے لکھا کہ “یہ ملاقات اک بہانا ہے، پیار کا سلسلہ پرانا ہے”

انہوں نے لکھا کہ “ناراض ہوں مگر منا لیتے ہیں، کھوکر بھی ان ہی کو پانا ہے”

یہ ملاقات اک بہانا ہے
پیار کا سلسلہ پرانا ہے
ناراض ہوں مگرمنالیتے ہیں
کھوکربھی ان ہی کو پاناہے @ImranKhanPTI pic.twitter.com/rcDqI5XycV

— Aamir Liaquat Husain (@AamirLiaquat) November 17, 2021

یاد رہے کہ پارلیمنٹ اجلاس کے دوران جب حکومتی اور اپوزیشن ارکان کے درمیان ہاتھا پائی ہوئی اس لمحے بھی عامر لیاقت حسین حکومتی ارکان کی جانب سے ہاتھا پائی میں آگے آگے رہے۔

خیال رہے کہ پارلیمنٹ کے مشترکہ اجلاس میں شرکت سے قبل عامر لیاقت حسین نے غیر رسمی بات کرتے ہوئے کہا تھا کہ ہم آئے نہیں بلکہ لائے گئے ہیں بلکہ بڑے اہتمام سے لائے گئے ہیں۔

صحافی نے سوال کیا کہ کون لایا ہے؟ پی ٹی آئی رہنما نے جواب دیا جو ہمیشہ لاتے ہیں وہی اہتمام کے ساتھ لائے ہیں۔