قومی ٹیسٹ اسکواڈ بنگلہ دیش روانہ

تفصیلات کے مطابق قومی ٹیم بنگلہ دیش کے خلاف د دو ٹیسٹ پر مشتمل ٹیسٹ سیریز کھیلے گی۔  اسکواڈ میں امام الحق ،عبداللہ شفیق،عابد علی،اظہر علی،بلال آصف ،فواد عالم،کامران غلام،سعود شکیل،فہیم اشرف،محمد عباس ،نسیم شاہ،نعمان علی،ساجد خان اور زاہد محمود شامل ہیں ۔ 

ٹیسٹ کے کپتان بابر اعظم،نائب کپتان محمد رضوان،حسن علی اور محمد نواز بنگلہ دیش میں ٹی ٹونٹی سیریز کھیل رہے ہیں۔ 

قومی ٹیسٹ اسکواڈ کے ارکان ڈھاکہ پہنچنے کے بعد ایک روز آئسولیشن میں رہیں گے اور آئسولیشن مکمل کرنے کے بعد اسکواڈ کے دیگر ارکان کو جوائن کریں گے۔

پاکستان کرکٹ بورڈ کے ٹوئٹر اکاؤنٹ پر ٹیسٹ سیریز کے اسکواڈ کے ارکان کی تصاویر شیئر کی گئیں  ہیں۔

Members of Pakistan Test squad leave for Bangladesh #BANvPAK #HarHaalMainCricket pic.twitter.com/VnWNCnfSvI

— Pakistan Cricket (@TheRealPCB) November 20, 2021

خیال رہے کہ پاکستان اور بنگلا دیش کے درمیان دو ٹیسٹ میچز کی سیریز کھیلی جائے گی، سیریز کا پہلا ٹیسٹ 26 نومبر سے چٹاگانگ میں شروع ہو گا۔

ڈھاکا میں ہونیوالی 3 ٹی ٹوئنٹی میچز کی سیریز میں پاکستان کو 2 صفر کی فیصلہ کن برتری حاصل ہے، سیریز کا آخری میچ 22 نومبر کو کھیلا  جائے گا ۔