پاک ایران بارڈر پر دہشت گردوں کاسیکیورٹی فورسزپرحملہ، ایک سپاہی شہد

پاک فوج کے شعبہ تعلقات عامہ (آئی ایس پی آر ) کے مطابق پاک ایران بارڈر پنجگورکےعلاقےمیں دہشت گردوں  نے سیکیورٹی فورسزپرحملہ کیا، دہشت گردوں نےسیکیورٹی فورسزکی پٹرولنگ ٹیم کونشانہ بنایا۔

آئی ایس پی آر کا کہنا ہے کہ  فائرنگ کےشدید تبادلےمیں سپاہی جلیل خان شہید ہوگئے۔

ترجمان پاک فوج کا کہنا ہے کہ  سیکیورٹی فورسزملک دشمن عناصرکوشکست دینےکیلئےپرعزم ہے، سیکیورٹی فورسزبلوچستان میں امن استحکام اورترقی کاسفرمتاثرنہیں ہونےدینگی۔

گزشتہ دنوں  آرمی چیف جنرل قمر جاوید باجوہ سے ایرانی چیف آف جنرل اسٹاف نے ملاقات کی تھی،  ایرانی چیف آف جنرل اسٹاف نے فوجی رابطوں کوفروغ دینےکی خواہش کا اظہار کرتے ہوئے علاقائی امن ‏کے ‏فروغ، انسداددہشت گردی کیلئےمل کرکوششیں کرنےپراتفاق کیا تھا۔

ایرانی چیف نے کہا تھا کہ انسداددہشت گردی اور تربیتی امور میں بھی تعاون ناگزیر ہے جب کہ آرمی چیف جنرل ‏‏باجوہ نے کہا کہ پاکستان اورایران کاقریبی تعاون خطےمیں امن واستحکام کیلئےاہم ہے۔

ایرانی وفد کو علاقائی سیکیورٹی اور آپریشنل امور پر بریفنگ دی گئی اور ساتھ ہی ایرانی وفد کو پاک فوج تربیتی ‏‏امور اور دوست ممالک کیساتھ تعاون پر آگاہ کیاگیا۔