سرفراز نے دھانی کو ٹی ٹوئنٹی ڈیبیو کیپ دیتے ہوئے کیا کہا؟

تفصیلات کے مطابق شاہنواز دھانی پاکستان کی جانب سے ٹی ٹوئنٹی کھیلنے والے 95 ویں کھلاڑی بن گئے ہیں اور دھانی کو ڈیبیو کیپ قومی ٹیم کے وکٹ کیپر بلے باز سرفراز احمد نے پیش کی۔

پاکستان کرکٹ بورڈ کی جانب سے شاہنواز دھانی کو ڈیبیو کیپ ملنے کی ویڈیو سوشل میڈیا پر بھی شیئر کی گئی ہے۔

دھانی کو انٹرنیشنل کیپ ملنے سے قبل تمام کھلاڑیوں نے انہیں تالیاں بجا کر مبارکباد پیش کی۔

? @ShahnawazDahani received his T20I debut cap from @SarfarazA_54.#HarHaalMainCricket | #BANvPAK pic.twitter.com/zYNQ6dGCM9

— Pakistan Cricket (@TheRealPCB) November 22, 2021

شاہنواز دھانی کو ٹی ٹوئنٹی کیپ پیش کرتے وقت قومی ٹیم کے وکٹ کیپر بلے باز سرفراز احمد کا کہنا تھا کہ مبارک ہو کہ آج آپ پاکستان کے لیے کھیل رہے ہیں، میں نے پہلی مرتبہ آپ کو 2019 میں دیکھا تھا اور آج 2021 ہے، ان دو سالوں میں آپ نے جو محنت کی ہے وہ سب کے سامنے ہے، اللہ سے دعا ہے کہ آپ پاکستان کے لیے لمبے عرصے تک اور اچھا کھیلیں اور آج کے دن کو خوب انجوائے کریں۔

شاہنواز دھانی کی جانب سے ٹی ٹوئنٹی انٹرنیشنل کیپ پہنے جانے کے بعد تمام ساتھی کھلاڑیوں نے بھی فاسٹ باؤلر کو گلے لگا کر مبارکباد دی۔