کھیل
شاداب خان نے شاہنواز دھانی کو ٹیم کا وزیر خارجہ قرار دے دیا
لاہور: قومی کرکٹ ٹیم کے آل راؤنڈر ونائب کپتان شاداب خان نے ڈیبیو کرنے والے فاسٹ باؤلر شاہنواز دھانی کو ٹیم کا وزیر خارجہ قرار دے دیا۔
سماجی رابطے کی ویب سائٹ ٹوئٹر پر تصویر شیئر کرتے ہوئے شاداب خان نے اللہ کا شکر ادا کرتے ہوئے لکھا ہےکہ بنگلا دیش اور تمام مداحوں کا بہترین میزبان بننے کا شکریہ جنہوں نے ہمیں گھر جیسا محسوس کروایا۔
شاداب خان نے لکھا کہ یہ شاندار تجربہ رہا جب کہ اس دوران شاداب نے فاسٹ باؤلرشاہنوازدھانی کو مینشن کرتے ہوئے کہا کہ ہماری ٹیم کے وزیر خارجہ کو ڈیبیو کیلئے مبارک ہو۔
دھانی نے شاداب کی ٹوئٹ پر شکریہ ادا کیا اور ساتھ ہی سوال کیا کہ یہ وزیر خارجہ والا کیا سین ہے؟
3-0 series win, Alhamdulilah. Thank u Bangladesh for being great hosts, to the fans who made us feel at home, it was an incredible experience. Congrats to our team’s foreign minister @ShahnawazDahani on his debut, may u keep smiling and enjoying ur cricket. #PakistanZindabad pic.twitter.com/DtQv5Xyzq9
— Shadab Khan (@76Shadabkhan) November 22, 2021
جواب میں شاداب نے وضاحت پیش کرتے ہوئے کہا کہ جس طرح آپ نے ہر جگہ ہماری ٹیم کی نمائندگی کی ہے اور بین الاقوامی کرکٹرز اور ٹیموں کے ساتھ اسپورٹس مین اسپرٹ دِکھایا ہے تو آپ ہمارے دلوں کے وزیرِ خارجہ ہیں۔
Thank you shaddy bhai❤️🙏. aur ye foreign minister wala scene kia he🤔??
— Shahnawaz Dahani (@ShahnawazDahani) November 22, 2021
ٹی ٹوئنٹی ورلڈ کپ کے دوران شاہنواز دھانی کی کئی تصاویر وائرل ہوئی تھیں جس میں وہ بین الاقوامی کرکٹرز کے ساتھ ملاقات کرتے اور بات چیت میں مصروف دکھائی دیے۔
پاکستان
مریم نواز کو پنجاب کے کسانوں کے لئے 400 ارب کا کسان پیکج لانے کا اعلان
جو پیکج لا رہے ہیں تاریخ میں کسان کو اتنا بڑا پیکج نہیں ملا ہوگا، وزیر اعلیٰ پنجاب
وزیراعلیٰ پنجاب مریم نواز نے کہا ہے کہ صوبے میں گندم کا کوئی بحران نہیں ہے۔ چار ماہ میں کسانوں کے لیے 400 ارب روپے کا کسان پیکج لا رہے ہیں، پنجاب میں مہنگائی کو مزید کم کریں گے۔
پھول نگر میں عوامی اجتماع سے خطاب کرتے ہوئے انہوں نے کہا کہ مریم نواز کا کہنا تھا کہا کسانوں کو یقین دلاتی ہوں کہ جو پیکج لا رہے ہیں تاریخ میں کسان کو اتنا بڑا پیکج نہیں ملا ہوگا۔ گندم خریدنے میں کرپشن کے بازار گرم ہو جایا کرتے تھے، میں نے وہ راستہ بند کر دیا ہے۔
وزیراعلیٰ نے کہا کہ اگلے کچھ ماہ میں پنجاب کے تمام اسپتالوں کو بدل دیں گے۔ نواز شریف نے کہا تھا لوگوں کی پریشانیاں کم کروں گا، مہنگائی بڑھ جائے تو کم کرنا آسان نہیں ہوتا، عوام کو سستی روٹی پہنچانا میری ذمہ داری ہے۔
انہوں نے کہا کہ ہر شہر میں صحت کی سہولیات کی فراہمی کے لیے اقدامات کیے ہیں، صحت کی سہولیات کی فراہمی پنجاب حکومت کی اولین ترجیح ہے۔ کنٹینرز کو بھی صحت کی سہولیات کے لیے استعمال کرنا شروع کیا ہے۔
مریم نواز نے کہا کہ 300 رورل ہیلتھ سینٹر نئے بنارہے ہیں، تمام صحت مراکز جدید صحت کی سہولیات فراہم کررہے ہیں۔ دو ماہ میں دیہی مرکز صحت فعال کردیا ہے،پنجاب کے شعبہ صحت کو جدید خطوط پر استوار کریں گے۔
دنیا
اسرائیل شرائط پر فلسطینیوں سے مذاکرات کیلئے تیار ہے، امریکی سینیٹر
غزہ میں جنگ کے اگلے دن کے بارے میں سوچنے سے پہلے حماس کو ختم کرنا ہوگا، گراہم
امریکی سینیٹر لنڈسے گراہم نے کہا ہے کہ اسرائیل فلسطینیوں کے مستقبل کے لیے مذاکرات کی میز پر بیٹھنے کے لیے تیار ہے۔ غزہ میں جنگ کے اگلے دن کے بارے میں سوچنے سے پہلے حماس کو ختم کرنا ہوگا۔
انہوں نے کہا کہ اگر اسرائیل غزہ میں اپنا مشن پورا نہیں کرتا تو حماس مختلف شکلوں میں واپس آ سکتی ہے۔
امریکی سینیٹر نے اس بات کی تردید کرتے ہوئے کہا کہ میں نے یہ نہیں کہا تھا کہ اسرائیل کو غزہ کی پٹی پر جوہری بم گرانا چاہیے، لیکن میں نے کہا کہ حماس سے چھٹکارا حاصل کرنے کی ضرورت ہے۔ جتنی جلدی ممکن ہو اسرائیل کواپنا مشن مکمل کرنا چاہیے۔
امریکی سینیٹرنے غزہ میں فلسطینیوں کے لیے بہتر مستقبل کی تعمیر کی ضرورت کی طرف اشارہ کرتے ہوئے کہا کہ مغربی کنارے میں فلسطینی اتھارٹی کے رہنماکرپٹ ہیں۔
گراہم نے غیر ملکی میڈیا کو انٹرویو دیتے ہوئے کہا کہ سعودی عرب کے ولی عہد شہزادہ محمد بن سلمان کا واضح وژن ہے جو مشرق وسطیٰ کا چہرہ بدل دے گا۔انہوں نے کہا کہ سعودی عرب دو ریاستی حل کے بارے میں واضح موقف رکھتا ہے۔
غیر ملکی میڈیا رپورٹ کے مطابق انہوں نے کہا کہ سعودی ولی عہد امریکہ کے ساتھ دفاعی معاہدہ کرنا چاہتے ہیں اور میں ان کی حمایت کرتا ہوں۔ ولی عہد ایک معاہدے اور دو ریاستی حل کے لیے سکیورٹی کی ضمانتیں چاہتے ہیں۔
انہوں نے واضح کیا کہ امریکہ کے ساتھ دفاعی معاہدہ سعودی عرب کی تمام درخواستوں کے حوالے سے بہترین ضمانت ہے۔
پاکستان
سپریم کورٹ کا فیصل واوڈا کی پریس کانفرنس کا ازخود نوٹس
چیف جسٹس قاضی فائز عیسیٰ کی سربراہی میں تین رکنی بینچ کل سماعت کرے گا
سپریم کورٹ نے فیصل واوڈا کی پریس کانفرنس کا ازخود نوٹس لے لیا۔
فیصل واوڈا کی پریس کانفرنس پر از خود نوٹس کیس کل سماعت کےلئے مقرر کر لیا گیا۔
چیف جسٹس قاضی فائز عیسیٰ کی سربراہی میں تین رکنی بینچ کل سماعت کرے گا۔
جسٹس عرفان سعادت اور جسٹس نعیم اختر افغان بینچ میں شامل ہوں گے۔
فیصل واوڈا نے گزشتہ روز پریس کانفرنس کر کے اسلام آباد ہائی کورٹ کے ججز کو تنقید کا نشانہ بنایا تھا۔
نیب ترامیم کیس کی سماعت کے دوران بھی فیصل واوڈا کی پریس کانفرنس کا ذکر ہوا تھا۔
-
تجارت 2 گھنٹے پہلے
تولہ سونے کی قیمت میں مسلسل دوسرے روز بڑا اضافہ
-
تجارت 18 گھنٹے پہلے
پیٹرول, ڈیزل کی قیمتوں میں بڑی کمی کر دی گئی
-
پاکستان ایک دن پہلے
9 مئی مقدمات : پی ٹی آئی کے 20 سے زائد رہنماؤں کی ضمانت کنفرم
-
پاکستان ایک دن پہلے
فیصل وواڈا کا عدالتی کارروائی میں مداخلت کے ثبوت دینے کا مطالبہ
-
پاکستان 2 دن پہلے
نیب ترامیم کیس: عمران خان کو ویڈیو لنک کے ذریعے پیش ہونے کی اجازت
-
تجارت 2 دن پہلے
ملک میں سونے کی قیمتوں میں مسلسل دوسرے روز کمی
-
تجارت ایک دن پہلے
ملک میں 2 روز کمی کے بعد سونے کی قیمت میں نمایاں اضافہ
-
پاکستان ایک دن پہلے
وفاقی حکومت کی عوام کےلئے نئے بجلی بم کی تیاری