کرکٹ کی دنیا میں آنے کے لیے کئی مشکلات کا سامنا کرنا پڑا:محمد رضوان

تفصیلات کے مطابق محمدرضوان کا کہنا تھا کہ ان کا تعلق کسی بڑے گھرانے سے نہیں اور  نہ ہی وہ کسی بہت غریب فیملی سے تعلق رکھتے ہیں اس کے برعکس ان کا تعلق ایک متوسط طبقے سے ہے، یہی وجہ تھی کہ ان کے پاس کرکٹ کھیلنے کے لیے سامان بھی نہیں ہوتا تھا ۔

ان کا کہنا تھا کہ جب میں کرکٹ گراؤنڈ دیکھنے کی خواہش میں گراؤنڈ چلاگیا تو مجھ سے گراؤنڈ مین نے پوچھا یہاں کیا کررہے ہو،اس پر میں نے فوراً جواب دیا گراؤنڈ دیکھنے آیا ہوں تو اس نے  پیچھے سے تھپڑ مار کر باہر نکلنے کا کہا۔

سوشل میڈیا اکاؤنٹس کے حوالے سے محمد رضوان کا کہنا تھا کہ میرا فیس بک اور انسٹاگرام کا کوئی اکاؤنٹس نہیں، سوائے ٹوئٹر کے تصدیق شدہ اکاؤنٹس کے ان کا کوئی اکاؤنٹ نہیں، ایک واٹس ایپ اکاؤنٹ ہے جو کہ صرف فیملی کے لیے رکھا ہوا ہے اس کے علاوہ انہیں سوشل میڈیا کے حوالے سے  کچھ نہیں پتا  اور یہی وجہ تھی وزڈن کرکٹر کا ایوارڈ جب دیا گیا تو وہ انہیں کسی اور کھلاڑی نے اس حوالے سے آگاہ کیا۔

ان کا مزید کہنا کہ کرکٹ ٹیم کے حوالےسے کوئی بات ہو تو ہمارے میڈیا مینیجر ابراہیم مجھ تک پہنچاتے ہیں۔