سی اے اے نے پاکستان آنے والی فلائٹس سے متعلق نیا سفری ہدایت نامہ جاری کردیا

تفصیلات کے مطابق سول ایوی ایشن اتھارٹی (سی اے اے ) نے کورونا کی نئی لہر کی وجہ سے جنوبی افریقہ سمیت افریقہ کے 6 ملکوں اور ہانگ کو کیٹگری سی فہرست میں شامل کرکے  سفری پابندی عائد کردی ہے۔ سول ایوی ایشن اتھارٹی کی جانب سے کیٹگری سی میں شامل ممالک کی نئی فہرست جاری کردی۔

سی اے اے کے مطابق   جنوبی افریقہ، ہانگ کانگ،  موزمبیق، لیسوتھو، بوٹسوانہ، نمیبیا، ایسواتینی، کیٹگری سی میں شامل ہیں،کورونا کی نئی لہر کی وجہ سے جنوبی افریقہ سمیت 7  ممالک کو کیٹگری سی میں شامل کرلیا گیا۔

بیرون ملک سے پاکستان آنے والے مسافروں کو 72 گھنٹے قبل کورونا پی سی آر ٹیسٹ کرانے کی شرط برقرار رکھنے کا فیصلہ کیا گیا ہے، پاکستان پہنچنے پر مسافروں کا ایرپورٹ پر ریپد انٹیجن ٹیسٹ ہوگا ۔

سول ایوی ایشن اتھارٹی کا کہنا ہے کہ  مثبت کورونا وائرس آنے پر مسافروں کو سرکاری قرنطینہ سینٹرز میں رکھا جائے گا، کیٹگری سی میں شامل مسافروں کی پاکستان آمد پر پابندی ہوگی، کیٹگری سی میں شامل مسافروں کو ایمرجنسی کی صورت میں واپسی کی اجازت این سی او سی کی کمیٹی دے گی۔