سندھ حکومت کا خلاف ضابطہ رہائشی تعمیرات کو قانونی تحفظ فراہم کرنے کا فیصلہ

تفصیلات کے مطا بق  کراچی سمیت صوبے بھر میں ہائشی یونٹس کو ایک مرتبہ ریگولرائز کرنےکےلئےآرڈیننس لانےکا فیصلہ کیا گیا ہے۔

ذرائع کا کہنا ہے کہ  مجوزہ آرڈیننس کےزریعے ایک مقررہ عرصے کےدوران تمام غیرتجارتی تعمیرات کو قانونی تحفظ دیاجائےگا، خلاف ضابطہ رہائشی تعمیرات کے آرڈیننس کےذریعے کمیشن تشکیل دیا جائے گا، سرکاری زمین پر بنےرہائشی یونٹس کی خلاف ضابط قواعد کا تعین کمیشن کرے گا۔

مجوزہ آرڈیننس کے مطابق   کثیر المنزلہ رہائشی تعمیرات کو بعض شرائط و جرمانےکےساتھ ریگولرائز کیاجائے،خلاف ضابطہ تعمیرات کی اجازت دینےوالوں یا قبضوں اور تعمیرات کےخلاف کاروائی نہ کرنےوالےحکام کےخلاف تادیبی ایکشن کےلئےسزائیں اور طریقہ کار بھی تجویز کیاجائےگا۔غیر تجارتی تعمیرات جہاں لوگ آباد ہیں ان کو عمارت ،علاقے کی نوعیت کےاعتبار سےجرمانہ وصول کیاجائےگا۔متعین عمارتوں کو کمیشن کے زریعے ریگولیٹ کیاجائےگا۔

ذرائع کا کہنا ہے کہ آئین کےتحت سندھ کابینہ کی منظوری کےبعد مجوزہ آرڈیننس توثیق کےلئے گورنر سندھ کو بھیجاجائےگا، گورنر کی منظوری کی صورت آرڈیننس نافذ العمل ہوگا۔  سندھ حکومت کا مجوزہ آرڈیننس سندھ اسمبلی کی منظورکردہ قرارداد کی روشنی میں بنایاجارہاہے ،  آرڈیننس کی روشنی میں بنایاجانےوالا کمیشن جس میں ریٹائرڈ جج بھی شامل ہونگےوہ تعین کرےگا کہ کون سےرہائشی یونٹ کو ریگولرائز کرناہے۔