لاہور: ایکسپوسنٹرویکسی نیشن مرکز کو بند کر دیاگیا

تفصیلات کےمطابق  ایکسپوسنٹرویکسی نیشن مرکز کو بند کر دیاگیا ہے۔ سیکرٹری ہیلتھ کیئر عمران سکندر کا کہنا ہے کہ گھرگھرویکسی نیشن کے آغازکے بعدایکسپوسنٹرویکسی نیشن مرکزکوبندکردیاگیاہے۔گھرگھرویکسی نیشن کی سہولت کے ساتھ ایکسپوسنٹرویکسی نیشن مرکزکے کھولے رکھنے کاجوازنہیں بنتا۔

عمران سکندر کا کہنا ہے کہ  ریچ ایوری ڈورویکسی نیشن مہم کے پہلے مرحلے کے دوران ایک کروڑچالیس لاکھ سے زائدکو ویکسین لگائی گئی  ، پنجاب میں ریچ ایوری ڈورویکسی نیشن مہم کے دوسرے مرحلے کاجلدآغازکردیاجائے گا،  عوام کی سہولت کی خاطرمحکمہ صحت کی ٹیمیں گھرگھرجاکرکوروناویکسین لگارہی ہیں۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمار کے مطابق  ملک میں کورونا وائرس کی  چوتھی  لہر کے دوران  ملک میں  مزید 9 افراد  انتقال  کرگئے جبکہ تقریبا ایک سال بعد 176 کیسز رپورٹ ہوئے ۔ 

ملک میں کورونا سے  اموات کی تعداد 28ہزار 718 ہوگئی ہے اور مجموعی کیسز 12 لاکھ 84ہزار 365تک جاپہنچے ہیں۔  

این سی اوسی  کے مطابق پاکستان میں کوروناکے923مریضوں کی حالت تشویشناک ہے ۔جبکہ چوبیس گھنٹے کے دوران  29 ہزار 530افراد کے ٹیسٹ کئےگئے گئے ۔