نوشہرہ میں میڈیا سے گفتگو کرتے ہوئے پرویز خٹک نے کہا کہ حالات ایسے بنے تھے کہ سب سمجھ رہے تھے عمران خان ختم ہوگیا، اتحادی حکومت پھنس گئی ہے یہ نہ حکومت چھوڑ سکتے ہیں نہ چلا سکتے ہیں۔

پرویز خٹک نے کہا کہ عمران خان کو صرف عوام ہی سیاست سے آؤٹ کرسکتے ہیں، جلد انتخابات کے لیے اتحادی حکومت سندھ اور بلوچستان اسمبلیاں تحلیل کردے، اگر ایسا ہو تو پی ٹی آئی بھی دونوں صوبوں کی اسمبلیاں توڑنے کو تیار ہے۔

پی ٹی آئی رہنما نے کہا کہ ممنوعہ فنڈنگ کیس میں کچھ بھی نہیں، سب ایک ڈرامہ ہے۔

پرویز خٹک نے کہا کہ نواز شریف کو واپس آنا چاہیے وہ جیل جائیں یا ضمانت کروائیں، نواز شریف واپس آئیں اور ون ٹو ون عمران خان کے ساتھ مقابلہ کریں۔

میڈیا رپورٹس کے مطابق فون سروس پیر کی صبح سے بند کردی جائے گی، ملک بھر کے 70 سے زائد اضلاع میں موبائل سروس بند رکھنے کی تیاریاں مکمل کرلی گئیں ہیں۔

وفاقی حکومت نے امن و امان کی صورت حال کو کنٹرول میں رکھنے کے لئے صوبائی حکومتوں کی معاونت سے حساس ترین اضلاع کی ایک فہرست تیار کی ہے۔

حساس قرار دیے گئے تمام اضلاع نویں محرم الحرام کو صبح 9 سے رات 12 بجے اور 10 محرم الحرام کو صبح 6 بجے سے رات 12 بجے تک موبائل سروس بند رہے گی۔

واضح رہے کہ حکام کی جانب سے نویں اور دسویں محرم کے جلوسوں کی سکیورٹی کے پیش نظر ملتان اور لاہور میں میٹرو بس سروسز بھی 2 دن کیلئے معطل کر دی ہیں جبکہ کراچی میں گرین بس سروس 3 روز تک بند رہے گی۔

اپنے ایک بیان میں چودھری شجاعت حسین نے کہا کہ پاک فوج نےہرآفت،مصیبت اور مشکل گھڑی میں قوم کی مدد اور خدمت کی، امن وامان کی بحالی،دہشتگردی کے خاتمے میں فوج نے اہم کردارادا کیا، قربانیاں دیں،

سابق وزیر اعظم نے کہا کہ سانحہ لسبیلہ کے شہدا کے اہلخانہ کے غم اور دکھ میں پوری قوم برابر کی شریک ہے، سیاستدان مصلحتوں کو نظر انداز کر کے فوج کےساتھ بھرپور یکجہتی کا اظہار کریں۔

ان کا مزید کہنا تھا کہ ہر چیز برداشت کی جاسکتی ہے لیکن فوج کے خلاف پروپیگنڈہ مہم ناقابل قبول اور ناقابل برداشت ہے، سیاستدان سیاسی معاملات، مصلحتیں پس پشت رکھ کر پروپیگنڈا مہم ناکام بنائیں، اور فوج کی مکمل سپورٹ کریں۔