اومیکرون ویرینٹ کا خطرہ ، این سی اوسی  کا ویکسی نیشن کے حوالے سے سخت اقدامات کا فیصلہ

تفصیلات کے مطابق  نیشنل کمانڈ اینڈ آپریشن سینٹر (این سی او سی) اجلاس میں  وبائی امراض کے اعدادوشمار،کورونا ویکسی نیشن کا جائزہ لیا گیا،   اومی کرون ویرینٹ کے بڑھتے رجحان کے پیش نظرصوبوں کو ویکسی نیشن کا عمل تیز کرنے کی ہدایت کردی گئی۔

این سی او سی کا کہنا ہے کہ  اومی کرون کے پھیلاؤ کو روکنے کا واحد حل ویکسی نیشن ہے، این سی او سی نے  کورونا ویکسینیشن کے عمل پر تبادلہ خیال کیا، این سی اوسی حکام  نے ویکسی نیشن کے حوالے سے سخت اقدامات پر اتفاق  کیا۔

این سی او سی کو کورونا مثبت کیسز کی شرح،اموات کی تعداد اور نئے مریضوں پربریفنگ دی گئی۔

اعلامیہ میں کہا گیا ہے کہ  اجلاس میں ضلعی سطح پر ویکسینیشن کے اہداف کا جائزہ لیا گیا،ویکسینیشن کے مقررہ اہداف کوحاصل کرنے کےلیے ہرممکن کوشش کررہے ہیں۔

 این سی اوسی  نے  ملک کے مختلف حصوں میں آکسیجن پلانٹس نصب کرنے کی تجویز دیدی، آکسیجن پلانٹس کی تنصیب کےلیے دوردراز کے علاقوں پر خصوصی توجہ دی جائے۔ این سی او سی نے اومی کرون ویرینٹ کے پیش نظر صوبوں کو ویکسی نیشن کی رفتارتیز کرنے کی ہدایت بھی کردی۔

این سی او سی کی ہدایت پر شہریوں کو بوسٹر ڈوز لگانے کی مہم شروع کردی گئی ہے۔پہلے مرحلے میں  ہیلتھ  کیئرورکرز کو بوسٹر ڈوز لگائی جارہی ہے۔ ڈی ایچ او اسلام آباد کا کہنا ہےبوسٹر ڈوز کےلیے  فائزر ویکسین کا استعمال کی جارہا ہے۔ ایف نائن پارک اور ترلائی ویکسی نیشن سنٹر میں   ڈوزلگائی جارہی ہے۔

این سی او سی کے مطابق دوسرے مرحلے میں پچاس سال  سے زائد عمر کے افراد کو کورونا سے بچاؤ  کا ٹیکہ لگایا جائے گا۔جبکہ تیسری کیٹگری  میں ان افراد کو شامل کیا گیا ہے  جن  میں قوت مدافعت  کم ہے۔