پنجاب بلدیاتی ایکٹ  ، مسلم لیگ ق اور حکومت میں ڈیڈلاک ختم نہ ہوسکا

تفصیلات کے مطابق  پنجاب میں  بلدیاتی ایکٹ  پر مسلم لیگ ق کے تحفظات ،  چار دن  گزر جانے کے باوجود ڈیڈ لاک ختم نہ ہوسکا۔  وفاقی وزرا نے مسلم لیگ ق کےتحفظات اورتجاویز  وزیراعظم کو پہنچادیں ،   سیکرٹری بلدیات کی دو بار قائم مقام گورنرپنجاب سے ملاقاتیں ہوچکی ہیں ،   وزیراعلی کی زیرصدارت  ڈیڈلاک کے خاتمے کے لئے دو اجلاس ہوچکے ہیں،   ویڈیو لنک پر اتحادی قیادت ،وفاق اورپنجاب کی سطح پر میٹنگ بھی ہوچکی ہے ۔

 مسلم لیگ ق بلدیاتی اداروں میں دیہی  نمائندگی بڑھانے کے لئے کوشاں  ہے،  مسلم لیگ ق تحصیل کونسل کے نظام کو بلدیاتی ایکٹ کاحصہ بنانا چاہتی ہے ،  مسلم لیگ ق نے سیمی اربن نمائندگی  زیادہ ہونے پر  تحفظات کااظہار کیا،  مسلم لیگ ق  باضابطہ حکومت پنجاب کو اپنی تجاویز دے چکی ہے ۔

ذرائع کے مطابق   بلدیاتی ایکٹ پر حکومت پنجاب اور مسلم لیگ  ق کے مذاکرات کے کئی دور کامیاب نہ ہوسکے۔