این اے 133 ضمنی انتخاب، انتخابی مہم کا آج آخری روز 

تفصیلات کے مطابق قومی اسمبلی کے حلقہ   133  میں پانچ دسمبر کو انتخاب ہورہا ہے  ۔ حلقے میں گیارہ امیدواروں کے درمیان مقابلہ ہوگا ۔

 حلقے میں کل 254 حلقے قائم کردیے گئے ہیں ، حلقے میں چار لاکھ چالیس ہزار چار سو 85 ووٹرز رائے حق دہی استعمال کرینگے جن میں مرد ووٹرز کی تعداد دو لاکھ 33 ہزار پانچ سو 58 ہے  جبکہ خواتین ووٹرز کی تعداد دو لاکھ چھ ہزار نو سو 27 ہے ۔ 

اس حوالے سے لاہور پولیس نے سیکیورٹی پلان بھی  جاری کر دیاہے جس کے مطابق ایس ایس پی آپریشنز کی نگرانی میں 6 ایس پی ، 14 ایس ڈی پی او ڈیوٹی دیں گے ۔

خیال رہے کہ  این اے 133 لاہور کی نشست مسلم لیگ (ن) کے ایم این اے محمد پرویز ملک کے انتقال کے باعث خالی ہوئی تھی ، اب مسلم لیگ نون کی طرف سے ان کی اہلیہ شائستہ پرویز ملک اور پیپلز پارٹی کے اسلم گل سمیت 11 امیدوار میدان میں ہیں ۔