کورونا ویرینٹ امیکرون کا خطرہ، ایئرپورٹس پرمسافروں کی مکمل اسکریننگ کا فیصلہ

تفصیلات کے مطابق  کورونا وائرس کے نئے ویرینٹ امیکرون کے پیش نظر ملک بھر کے ایئرپورٹس پربیرون ملک سے آنیوالے مسافروں کی مکمل اسکریننگ کا فیصلہ کیا گیا ہے۔

ذرائع کا کہنا ہ کہ متحدہ عرب امارات ،ایران،عراق سے آنیوالے مسافروں کا ایئرپورٹ پر کورونا ریپڈ ٹیسٹ دوبارہ سے شروع کرنے پر غور ہورہا ہے،  دبئی،شارجہ،ابوظہبی،سعودی عرب سے آنیوالے مسافروں کے ایئرپورٹ پرریپڈ پی سی آر ٹیسٹ ہوں گے۔

ذرائع کے مطابق این سی او سی کی منظوری کے بعدایئرپورٹ پر ریپڈ پی سی آر ٹیسٹ کا عمل دوبارہ سے شروع کردیا جائے گا۔

خیال رہے کہ   کورونا صورتحال کنٹرول ہونے کی وجہ سے بیرون ملک سے آنیوالے مسافروں کے ایئرپورٹ پر ریپڈ پی سی آر ٹیسٹ ختم کردیئے گئے تھے۔