پی ٹی آئی کا جلسہ، وزیراعظم کیخلاف پھر سے نعرے بازی

تفصیلات کے مطابق  گولڑہ موڑ تحریک انصاف کے جلسے میں  وزیراعظم عمران خان کیخلاف پھر سے نعرے بازی کردی گئی ہے۔ وزیراعظم عمران خان کیخلاف نعرے بازی کرنیوالے نوجوان پر کارکنوں کی جانب سے  تشدد کا نشانہ بنایا گیا۔

تحریک انصاف کے کارکنان  نے میڈیا نمائندوں سے موبائل بھی چھیننے کی کوشش کی۔ ممبر صوبائی اسمبلی عمر تنویر  نعرے لگانے والے نوجوان  کو گاڑی میں زبردستی بٹھا کر لےگئے۔

خیال رہے کہ 28 نومبر 2021 کو اسلام آباد میں پاکستان تحریک انصاف کے جلسےکے اختتام پر ایک شخص نے مائیک پر وزیراعظم عمران خان کے استعفے کا مطالبہ کردیا تھا۔شخص نے کہا تھا کہ  عمران خان آج استعفیٰ دے دیں تو بہتر ہے، نو عمران اونلی عوام ، جس کے بعد اسٹیج پر موجود منتظمین نے مائیک ہٹا کر اسے مزید بات کرنے سے روک دیا تھا۔