آرمی چیف جنرل قمر جاوید باجوہ سے بیلا روس کے سفیر کی ملاقات، آئی ایس پی آر 

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  بیلا روس کے سفیر کی جی ایچ کیو آمد، آرمی چیف جنرل قمر جاوید باجوہ سے بیلا روس کے سفیر کی ملاقات ہوئی ہے۔

 آئی ایس پی آر کا کہنا ہے کہ  ملاقات میں باہمی دلچسپی ، دفاعی تعاون اور علاقائی سکیورٹی کی صورتحال پر تبادلہ خیال کیا گیا، ملاقات میں افغانستان کی صورتحال اور انسانی ہمدردی کے اقدامات میں تعاون پر بھی بات چیت کی گئی۔

ترجمان پاک فوج کا کہنا ہے کہ  آرمی چیف نے افغانستان کی انسانی امداد کے لیے فوری طور پر ادارہ جاتی میکنزم کی تشکیل پر زور دیا۔  بیلاروس کے سفیر نے افغانستان کی صورتحال میں پاکستان کے کردار کو سراہا۔